استشارة عن افضل اماكن صيد الفري

[شاهين777]

السلام عليكم ورحمة الله وبركاته
اخواني الاعزاء انا كل سنه اطلع الفري لكن ما الله وفق في الصيد يعني اكثر مره صدت يمكن حوالي 26 فريه واسمع الشباب يصيدون فوق الميه ، وكتبت موضوع السنه اللي طافت عن سبب قلة الصيد وقلت اكيد فيه شي غلط عندي اما المكان او اتجاة الكشافات او صوت الجهاز ، مع العلم رحت السالمي ورحت الابرق ورحت الرتقه ورحت رحيا يعني ماخليت مكان مارحت له لكن مالله وفق .
المهم هالسنه ناوي نيه علي الفري وابي احط مخيم لاني مليت من شيل الاغراض بكل مره وابي مكان تنصحوني فيه لاني ان حطيت المخيم ماراح اشيله مثل كل مره بثبته ومابي المكان بعيد عن الجهراء يعني حوالي الجهراء بس مو قريب من الشارع ما احب اقرب للشارع ، ولو فيه احداثيات للمكان يكون افضل واحسن من الوصف .
بانتظار اقتراحاتكم اخواني بارك الله فيكم

ابو يوسف

[فـزاع]

وعليكم السلام

والله يالغالي الصيد وفقه من رب العالمين والواحد لازم يتوكل على الله ويرزقه الله

وهناك اسباب تساعدك بأذن الله وهي نوع الجهاز ورؤية الكشافات والباقي عاد انت وشطارتك بالرمي

وترى الفري حسب خبرتي المتواضعه اي مكان يظرب عليك ان شاءالله تحطه ببراحه بين البيوت اهم شي شغل الجهاز ويرزقك الله حتى اذكر قبل نشوفه والله بمزارع البيوت وبالشوارع

لكن مدامك بتحط مخيم انصحك بالصقيهيه ارضها خوش ارض وقريبه منك بالجهراء

واسمحلنا على الاطاله

[شاهين777]

الله يجزاك خير اخوي فزاع
مابه شك الصيد توفيق ورزق من الله لكن الواحد يبذل السبب
ياخوك المشكله مو بالرمي يعني لو يجون فري كثير وما نصيد مافيه مشكله السبب معروف لكن المشكله مايمر الا قليل وهذا اللي شككني بالمكان او الجهاز واحتمال من الجهاز وما قصرت يالغالي

[Remington 4ever]

أخوي شاهين 777 الصيد أرزاق وانا أخوك وكل شيء قسمة ونصيب ..

بالنسبة للمكان أنصحك بصقيهية صيدها أكثر .. اما على عدد الصيد

الجهاز يلعب دور ياخوك أخذلك جهاز طيب واتجاه الكشافات الشمال الشرقي بشهر 9 وأبشر بالصيد ..

واذا عندك سؤال انا حاضر .

[weeer]

السلام عليكم ورحمة الله وبركاته
ريمنقتون فور ايفر بس المشكله بالصقيهيه انها كلها اهل حلال والمكان الي فيه حلال ماودك ترمي عندهم

[Remington 4ever]

بعد عن الحلال ب 1 الى 1 ونص كيلو وان شاء الله ماكو الا الخير ..

وعندك الأبرق والرتقه ..بس ما انصحك بالرتقه لأن مالك محط لرجل ..

وهذه الاماكن بشهر 9 مثل ما انت عارف شهر 4 تختلف هجرة الفري .

[weeer]

والله انت صادق بس يالاخو المشكله انه اهل الحلال مايدانون انه احد يرمي قريب من حلالهم وبعدين عندك بعضهم لو تروح عنهم 5 كيلو مايعجبهم العجب والحين ماهيب على خبرك الصقيهيه الحين كثر الحلال فيها وانا انصحك ياريمنقتون بالمناقيش ترا مو بطاله عالاقل احسن من زحمه الرتقه

[شاهين777]

الله يجزاك خير اخوي ريمنقتون فور ايفير واخوي وييير
مافيه شك ياخوك الصيد رزق لكن الواحد يبذل الاسباب
شرايكم بمنطقه رحيا؟؟
لقيت لي خوش مكان فيها وبعيد عن اهل الحلال ودربه سهل وبجربه قبل احط المخيم
بالنسبه للاجهزة انا عندي الجهاز الايطالي الاسود اللي اكبر من البيجر القديم ومركب له السماعه الخضراء وافكر اخذ واحد ثاني بس ودي يكون زين ورخيص وابي خبرتكم بارك الله فيكم

[weeer]

شاهين777 والله رحيا حلوه لاباس فيها اما الاجهزه والله في جهاز عند الهدف اسمه برتا الاسود الكبير حلو حيل حيل والربع يمدحون جهاز مارك فلاش
جهاز برتا الاسود عند الهدف ماخذه 140 حلو حيل حيل وخبر عارف صيد الفري على بالدرجه الاولى يعتبر رزقه من الله والثاني على حسب المكان والجهاز ووضعيه الكشافات والجهاز وعلى حسب العبور :) وسامحنا عالازعاج

[شاهين777]

ما قصرت الله يجزاك خير اخوي ويير
فيه سؤال ثاني بارك الله فيكم
افضل وقت اطلع للفري اذا الهوا شمال والا اذا الهوا جنوب؟؟
اغلب الناس يقولون اذا الهوا شمال اطلع مع العلم ان الفري وكل الطيور ترد من الجنوب والمفروض ان الجنوب يساعدها علي الطيران ، فاي الافضل اذا الهوا شمال والا جنوب؟؟