الشاعر حمد عبدالكريم السعيد

[سوبر سفاري]

http://www.dwaihi.com/poem/1hmad1.ram
http://www.dwaihi.com/poem/1hmad2.ram
http://www.dwaihi.com/poem/1hmad3.ram
http://www.dwaihi.com/poem/1hmad4.ram
http://www.dwaihi.com/poem/1hmad5.ram
http://www.dwaihi.com/poem/1hmad6.ram
http://www.dwaihi.com/poem/1hmad7.ram
http://www.dwaihi.com/poem/1hmad8.ram
http://www.dwaihi.com/poem/1hmad10.ram
http://www.dwaihi.com/poem/1hmad11.ram
http://www.dwaihi.com/poem/1hmad12.ram
http://www.dwaihi.com/poem/1hmad13.ram
http://www.dwaihi.com/poem/1hmad14.ram
http://www.dwaihi.com/poem/1hmad15.ram
http://www.dwaihi.com/poem/1hmad16.ram
http://www.dwaihi.com/poem/1hmad17.ram
http://www.dwaihi.com/poem/1hmad18.ram
http://www.dwaihi.com/poem/1hmad19.ram
http://www.dwaihi.com/poem/1hmad20.ram
http://www.dwaihi.com/poem/1hmad21.ram
http://www.dwaihi.com/poem/1hmad22.ram
http://www.dwaihi.com/poem/1hmad23.ram
http://www.dwaihi.com/poem/1hmad24.ram
وهذا كل قصيد حمد السعيد في موقع ضويحي ونشاء الله قدمن الي فيه خير
.................................................. .................................................. ...
يشكل شعره ذائقة جيل بأكمله

قصائده حميميـّة الألفاظ والأفكار

كلـّما زاد معجبوه

زادت مساحات الرّوعة في قصائده

يزرع المدى بتباشير الندى

فضاءات الشـّعر لديه .. حالمة .. ملوّنة

لذلك .. لا نمل عالمه السـّحريّ

فنسكنه مشاعرنا وأرواحنا

اقرؤووه .. ولتطلكم شظايا السحر والشـّعر !
.................................................. ..............................................

يا من لخلٍٍ ما لصبره ملازم=بيّح بسده بعد كسرت عوازمه

يفنى العمر لي صار مالك عوازم=و لي ضاع سرك من حكايم لوازمه

ابشر بقولٍ عند وقت اللوازم=لو ما القوافي ما تصادف موازمه

وإلا بضربٍ وقت العدو موازم=وإلا وحش, لنياب منه بوازمه

و لو كان في بطحا حجرها بوازم=ارهى عليها من طلبها بحوازمه

حتى و لو قربت منها الهوازم=تعزاه يلي ما يحاتي هوازمه

اطلب ولك م العمر جملة محازم=حتى يفيض الشعر لجلك روازمه

و الي انشفت م الود كل المرازم=راح العمر دون تقضي لوازمه

.................................................. .............................................

تعزاني يا صديـجي=و أثيب لك ملغوث
دنيا و لو تباريلك=ربعك نصهم خبوث

في الويه بايصفيلك=و إن رحت, عنك يحوث
و اللي بقى من ربعك=ش الرمل لي مبثوث

ما ينفعك و يثيبك=يوم العادي حثوث
و اتحذر امن الصاحب=لي ع الزله لبوث

و النذل لا تصفيله=دايم عهده نكوث
و الختم ربي صلي=على النبي المبعوث
.................................................. .............................................
يقول الي عليه الجيل حاطي=رقا العليا وخلا كل واطي
رقا العليا وياور لــــثريا=وخلا البعض من دونه يطاطي
واذا هاجت بحورالشعر دونه=توقف عند بره و الشواطي
نقيت القول من خافي القوافي=وسَرت خاطرى وزاد انبساطي
عريب الجيل لي منك سمعته=كذا لمثال تحاوطبه حواطي
زماني كد صفا يومٍ وليله =اشوف اليوم زايد في غلاطي
وخلا الحال ذابل في محال=مثل عذرا يزيد ابها الشماطي
سقا الله يوم كان ابه الوصال=تعاهدنا ووثقنا الرباطي
واذامامر طيفه في خيالي=تبش النفس ويزيد اغتباطي
اشوفه اليوم عني مايسال=ولا تم بيننا اخذ و عواطي
واناطبعان في لجة هواه=ولا من مسعفٍ قربي وشاطي
تركني بعيدخلاني وحيد=بعد عني بي شتط شتطاطي
وانا افضيت من قلب عطيب=وسلسلته وخليت احتياطي
وختم القول صلو ع الرسول=عدد مامر بي و الجيل حاطي
.................................................. ......................................

لفاني القول لي جدد نشاطي=وراعي الجيب لي طرش غواطي
غطاوي درسعي ولا مركب=اقول القول متبع كل غاطي
وهذي هندسه لي ما درسها=بجد و جهد بيغالط غلاطي
احاول اجتهد لوما اعرفها=واطرش نقوتي لو م البساطي
العين زهيَت بالشّمس واللولو=والخيل لي سلسل حمد بالواطي
وازيد القول بأمثال قديمه=فياور شيخ وإلا قرب شاطي
مودي قد ربى وسط السيوحي=ويسكن وسط وديان العراطي
اضنه لو ربى عند السواحل=بتسوى طلعته شام او رباطي
يعل الي علي غيّر وصاله=طريـح فراش و ينايط نياطي
الاياوجد منهم غرروبه=وله بالقلب حراق وشياطي
ولا يا وجد طلاع مويَب=لزم ع الكف و الصيد امتغاطي
على من بالصداقه عزروبه=وخلو حالته اخذ و عواطي
سنادي رد بشعاره وشرف=قصيدي بردته زاد انبساطي
انا اعزى من يتابع بالوازم=علي في العين بفرشله بساطي
اضن ان لغزكم حله محمد=بتبع الفسر ظني هوب خاطي
تذكر ياالاديب ولاتحاول=تسوم الدر بقشور البطاطي

.................................................. ..................................
وصلني قول مافيه التغاطي=من محمد يلي عالي الرهاطي
طلبت و ما لقولك من تثني=و انا بالزور باوثق رباطي
يكود الناس تلحقني ملامه=شله مابان شعره ف البلاطي
تراني اليوم مارد القوافي=وشوف الثام عن غيري يماطي
سلام السلم من قلبي وسلم=سلامي ما يحاوط بالشراطي
تراني عن مقالي هوب عاجز=وعندي القاف ماتشله شناطي
ترا العطشان نرويه القراح=و يعطش لي يبا يلاهط لهاطي
وختم القول صلو ع الرسول=عدد ما طاف بالكعبه وحاطي
.................................................. ..................................................
قال الذي بنار المحبه مصطلي=شيطان شعري بالمحبه نطلي
الحب لي صابك يبيد عضامك=ويصير عقلك م الذكاوه معطلي
في شف من هي بالجمال اتملكت=تاج الجمال وملك غيرا مبطْلي
لي من مشت للبيت تمشي محشَمه=يعل المطر على حويهم يهطلي
ع الباب حارس واقف بسلاحه=ويقول لي حقك انا مابطلي
و من السخاوه و الكرم لي فيها=تامر على من عندها يذبح طلي
لي صاب قلبي في المحبه عينك=مايــيت انا ادور لحم وامطلي
رعبوبة ريانة مخضوضبه=و لامن حيل عندي عليها تنطلي
طايح شعرهاع المتون ارضاف=واجب عليها كل ليله ينطلي
امن الزباد و زعفران انواع=اشوف لو لحظه ولا من شرطلي
وسمين في قلبي و زاد الحارج=و اشوف وسمٍ ثالثٍ بيحطلي
لي من خطف يتبختر ابجلبابه=اغيب م الدنيا واصير امصَطلي
لاقيس لامحسن صابه مابي=لاعنتر العبسي و لا للاخطلي
نهرين دجله و الفرات اتمردو=نلت العطش حتى و لو هو الشطلي
لاكنها راحت و لا لي انظرت=و امسيت ع نار المحبه مصطْلي

.................................................. .............................................
لها الكرامه و المعزه و الفخر=لي من وصلته قول له و لا تخجلي
اعزاه يقبل منك كل اعذاري=بيصير قلبي من همومه منجلي
لي صارما هو قابلٍ و مسامح=بيصير صوتي وسط صوحي مجلجلي
انا خويّك عند وقت الازم=باشل دونك في الحروب مصجلي
بحر الشعر لي من طلعت انته نشف=ولي من دخلت يصير موج مصنجلي
و اتراك لي من غبت عن ديواننا=بحلف بيوتي في الشعر ما سجلي
لا تظن راعي الجيب بسفه قولك=قول عريب مرتبٍ و مبجلي
صلو على الهادي الحبيب المصطفى=عد المطر مالاح غيم معجلي
وسموحه اذا كان في قصيد مكرر

[سوبر سفاري]

الا يالله ياعالم مكاني=و علام الخوافي و ما كنيته
تزيل الهم عن قلب يعاني=توصله المقال الي عنيته
رماني بعذب اشعاره رماني=و انا م القلب اشعاري رميته
تحدر صافي الصافي و صفاني=و انا من خاطري لجله صفيته
تعاهدنا و علينا المباني=و انا له قصر عالي قد بنيته
تفارقنا على خير و عطاني=و حقه ضام عهودي عطيته
سعوا حساد وياه اب تداني=و هو له قدر عالي مادنيته
بغيت القلب عن وده عصاني=و انا عن ود غيره قد عصيته
و لي صبر على شي دهاني=و له مكتوم سر ما دهيته
نصيحه خل كل حاسد و شاني=اذا انت الخل ابدا ما شنيته
تصبر ع العهد لاتصير جاني=و هذا شي بيدينك جنيته
و اذا في القلب ودي مالقاني=انا في وسط قلبي قد لقيته
.................................................. .................................................. ..................
يا طارشي سر بالسلام امحملي=على شقيرا ماشملها مشملي
الها المرافج فارجه من جسمها=لي روحت كنها القطاه المعجلي
تقطع مروت بالشمق لا بالضرب=مرباعها شروا الظبي لميفلي
راحت ظهرها ما تحوجك للعصا=تطرب لصوتك والحذر لايعتلي
لايسمعك حساد ولا واش=ويصير حارق فوق قلبه مصطلي
شرق من العجبان روح بالعجل=و صلب بسيرك لا تصير مشملي
و وصل ديار صيتها عز او فخر=ونصا منازل من خيار المنزلي
وصل سلامي و التحيه و الشكر=جدوا الذي حقه علينا مسجلي
مشكور راعي الجيب من قلب العنا=على كتاب بالدرر متحملي
يومٍ قريته ارتاح قلبي بالهنا=و انزاح هم ع فوادي مثجلي
من خاطري ادعي انا الخالق عسى=الغيم بين و بين خله ينجلي
ذا حال كل الغيد لي يدللن=وقلوبهن نار المحبه تسطلي
لا بد من وصل و فيه امعاتب=و محادثات الخير في موقع خلي
يعل المطر يسقي ديار انتم بها=و تسيل وديانٍ بخير هاطلي
ايلين ذوده ترتعي عشب لها=يملي ذراويها بخيرٍ شاملي
و اطلب مسامح منك ياصافي النسب=ان كان في قولي انا شي اهزلي
والختم صل الله على طاها النبي=بعداد ما قد لاح غيم امحملي
.................................................. ................................................
ما ياصديج و لا رسول يسجلي=وصل سلامي يا حمام الزاجلي
ياليت تسمحلي ضروفي بالوصل=بوصل اليه ولو هي حافيت ارجلي
دار العرب يلي تزين باهلها=شفج لها دوم وهيه اشفجلي
يعل المطر همال دوم ابودقته=مايا سحابه خاطفٍ مستعجلي
بلغ سلامي من ضميري بالادب=لايصير صوتك عاليٍ ومجلجلي
قله ترا صاحبك طايح في نشب=مايعرف حاله رديف ولا راجلي
بسباب ظبي صاده بليا طعن=تسمع خلاخيله برجل محجلي
ايفز قلبي من مكانه ويعتزي=ليصار يتحدث لغيري و غنجلي
ملا شراعي بالولم لي جابله=خاطف خطيفه شارد مارجلي
لكن جفا عني بليا سبب=عايش حياته براحة و لمشجلي
روح وخلاني وحيد بحالتي=قد صار حبه ع فوادي حاجلي
ياويل من دارت عليه الدايره=حمل بحمل متعب و مثجلي
اظن حالك يالاخو من حالتي=و اشوف غطوَك يالخو مخفٍ جلي
عسى ان بعد العي لك نزو انكتب=كود ان مايا فسر لي بالعجلي
مرزم ببا و الالف لام تصالحوا=عشرين ذا درزن يصير المر جلي
هذا و صلى الله على شفاعنا=بعداد ما قد ردلي لمسجلي
.................................................. ................................................
عيونك تلزم عيوني=تدوركم يا مضنوني
و لو العالم يلوموني=انا حرفٍ على سطره

انا حرف في مبداها=قصيدة شعر غناها
لسان الحب و اهداها=لخلٍ عاليٍ قدره

ياروح الروح ياروحي=مناي انت و صدى صوحي
و انت كل مربوحي=نبض قلبي و كل ذكره

علي لا تكون متغلي=و قدرك دوم متعلي
لا تسمع عاذلٍ يعذل=و زيد بقلبه الحسره

عسى انه تنجلي لغيوم=و لا نسمع عذول ولوم
و يزهي حبنا ويدوم=و قلبي ينجبر كسره
.................................................. ......................
يامن يدوّر شف الشفه ايشف=وحدٍ يردد له منقى القول و يناغي
حملت لاهي حمل ثجيل ماخف=جبرت غيرك يستمع قولك وهو صاغي
عن لاتصاحب رذيل م الفعل قد هف=واحذر تخاوي كل جبارٍ او طاغي
وترا الذي عن القول الردي ماعف=دايم يدور لك, ولزلات نباغي
وحد مريح و ع مجراك ماقد لف=عايش حياته متنعم وفي شراغي
ما همه لي هو بيحصلك ولا تكلف=ولو ضربوك وسط ضهرك ب بو شاغي
والف الحذر من كل عاد ومتحلف=اذا يولاك اصبح بالحكم باغي
هذا الي حصل عندي وانا اتشرف=قولٍ جمعته بعد م العقل قد زاغي
.................................................. ...............................................
طبعت بقلبي لك صوره=بوسط الروح محفوره
وانا لك دايم اتشوق=مرافق دربي و نوره

وفرحي بك مثل طفله=تزيَن في وسط حفله
نسيت الفرض و النفله=طماني الحب في بحوره

مودي ماخذٍ روحي=ولا ابغي بأسمه ابوحي
عسى ان انال مربوحي=ونـتلاقى على شوره

عيونٍ له ذبوحّيه=تسوي فالقلب عيّه
يعل يفدونه كل حيه=ويسلم اصله والصوره
.................................................. ........................................
عزاه ياقلب وبه حارق الشوط=يمسي معى همه سلوكه مشاويط
لي من دله هاجوس و يحوط به حوط=كنه في وسطٍ له مصاب ابمخابيط
عليه هم وغم به دوم مربوط=لنه مشرط بلا سب بمشاريط
من لي تبع للشعر ويقول خربوط=محروز قولك عن جمع الخرابيط
ماشوفلي ف القول من شي ملغوط=ولاتسبب لي قراها بمحابيط
ياعل بعد الضيج اتصير مبسوط=لاشى يبق من بينكم مغاليط
والي سعى بالشر بيطيح مزنوط=دايم عسى يهتز هزت ملابيط
وحد من الناس بيدور النوط=قله تراك اليوم ضمن المعابيط
امضيت انا وياك امن العب شوط=عندي بما قلته ع رد الشخابيط
خربطت ثم خربط خرابيط خربوط=خربط ونا خربطت خراب الخرابيط
.................................................. ...........................................
انا رفيجي بوصله دايم مناصل=علي غلاطه دوم ماني بحاصي
لي من ضوى ف الحلام حالي ش حاصل=افز من نومي بعيني غماصي
لو يحكموا براسي قطع المقاصل=فدوا لعينه يروح جسمي نصاصي
لو يطلب الحال والمال واصل=لو يطلب الروح حقه بباصي
عوقي ولا دواه عندي بحاصل=انس ف بطني شي مثل المغاصي
نشدو عن قصيدي وش شي حاصل=مكسور شرباكه ومعواي شاصي
وازهل الي دايم يدور حواصل=لاتكرمه وتعطيه لو عندك حباصي
هذا نسل فكري بحبل التواصل=بعد الحجيجه وزود خبص الخباصي
.................................................. ..........................................
ما بقى مالمحبه غير شي وكانا=مابقا للحبايب غير قصة هوانــــا

وانا ضحيت لجلك وانتظرتك زمانـا=وين عهدك ووعدك سبتك قلبي عانا

وابْحثَو عن علاجي مادرو بلّي خانا=مادرو ان عوقي هو دعي العيانـــا

كنت خلي و اودك, دوم تورد لمانــا=وانا غالي ف قلبك عالياً قدر شانــا

ليتني اعرف وادري وش لي كدر صفانا=ترجع ايام حلوه عند ذاك المكانــا

ليت ترجع لخلك نصطفي في لقانا=يسعد القلب وصلك سيد حور الجنانا

خذت مني محبه لوخذوها عدانــا=كان حبو و حبو حتى دوسة خطانـــا

لكن بسب بعدك غاب نجم بسمانـا=راحت ايام مرزم, نجم ساطع و كانـا
.................................................. .................................................. ..
يامحمد من بعدهم عزتالي=ليل فرقاهم على عمري تسرمد
يامحمد ارخصلهم كل غالي=وستحلو في الهوى قلبي تعمــــد
ليت يابو جسيم خلوني ف حالي=ولعو وسط الحشا نار م تهمد
ليتني ماشفتهم يوم ارتحالي=ماجرحوني جرح في قلبي م يضمد
ليتهم يوم عرضولي كنت سالي=سلو سيوف الهوى حقي م تغمد
مبخص ابحالي ترا ريح الشمالي=مايودي اخبار من عندي ولا يرد
مبخصٍ بي لي غدا صعب المنالي=حط وسط القلب حراق م يبرد
مبخصٍ بي وهو ليه سيد الغوالي=تل روحي ماترفق يامحمد
.................................................. ...................................
ماوصل قولك بتغليطي=ما عرف به شيٍ اغلاطا
و اكتب المعنى بتحويطي=رافع راسي ولا طاطا
بكتبه دايم بتبسيطي=جوهر وصافي بلا لغاطا
ماس ومجمع بلا خيطي=واجتمع في خاطري حاطا
صافي المعنى بتقليطي=صوب لمعَنى تقلاطا
لايصيبك هم تحبيطي=افهم المعنى بلانقاطا
الحذر م الدمع تعييطي=ع الخدود ايصير هباطا
يشمتوبك لي معابيطي=زادهم ربي تعباطا
هذا لي ضال ابمناقيطي=للخوي لي صابه احباطا
.................................................. ..................
اذا غاب القمر طلت بروجه=يزيد بنبض قلبي خلاجه
نضمت الدر خط بلا عوجه=نسجته بغير حاجة مواجه
وفيضته مساوا النسوجه=مشربك وقت حزة نساجه
اذا م الخل عرض ب غنوجه=تغثبر كل ساعي غناجه
يزين العين لي هي دعوجه=جرح قلبي وسبت علاجه
دوا روح تشكا صفوجه=عليها الخل كثر عجاجه
مثل عبار عبره دلوجه=يزيد ابها العياي الدلاجه
وشط بروح دايم شفوجه=م يتبع سمتنا ب الرفاجه
وهذا النبت بانت عذوجه=سقيته بدمع عينن مهاجه
.................................................. ...........................................
بيض الله ويه من رد الســوالي=مابطا عني و لا عنـه تـصـمــــد
لك خويٍ ع الهوا بث المقـــالي=مدلك ايده و ايدك له بـتـنمــــــد
هذا من عادات ذربين الفعــــالي=لي لهم لخلاق والافـعال تحمـــد
قبل قولك قد نويت الارتحــالي=من وصلني شوف قواتي بتصمــــد
شط بي غرشوب سكان الشمالي=قال سيف الصد في قلبي بيغمد
صابني من رمش عينه بالنبـــــالي=من سلم من سهم عين الله يحمد
و ياعسى الحساد ضرب بالنعالي=ينقطع رزقه ولاله عمر يـنــمـــد
ذا وذا هذا وذا هذا مقـــــــالي=صار قلبه بالمواصل لي مـجلمـــد
يامحمد ما شكيت الا لغـــــالي=ما شكيت الا لغالي يا مــحمـــد

[سوبر سفاري]

قال الذي دايم بيوته في العلى=نيران وقاده بصدره تشعلي
اتبع سنع لجداد سيفي ماكلا=واكتب بيوت فوق فعلي تفعلي
وانقى معاني للي حاسد تزعلا=و احط من قدره واعقه من علي
واشين به لي هو بقدري مجهلا=لو يعتذر لابد منه يزعلي
لابد يصغرلي ونا له ذاهلا=دايم يتابعني بدوسات انعلي
عساه يفدا نعال زاهيت الحلا=لي من صدفتا شفت نور شعلي
ريم رعت منبوت زهر ف الفلا=تلعب على العشاق دورٍ فاعلي
ونا احاول دوم ولها مختلا=ولاشوف حقي عندها من نفعلي
.................................................. ........................................
حي الجواب الي لفا بعد الصلى=بشيت به شاني بقوله ينعلي
حيه عدد ماقيل قول ٍ في الملا=واعداد ما قد لاح برق ٍ مشعلي
جواهرٍ مسيومةٍ سيمت غلا=مصفوفةٍ محروزةٍ ما تزعلي
تنصب من نهرٍ عذيبٍ من علا=وانا تعبت ابها ولامن نبع لي
من عند خلاني وياني موصلا=ذا حد من حدٍ يرد المشعلي
ينصا العلا صامل صميل الصاملا=وانصا العلا وإلا تفكك صوعلي
لوّل انا لي راي شورٍ فاعلا=واليوم مالي شور رايٍ فاعلي
صاع لذا وصاع لذا ولاصاع لا=صاعين صوع ولا اشوفه صاعلي
رديت له بودام وخيار الحلا=تالي السبب اني برده بنعلي
.................................................. ..................................................
ضوا قولك ك سحب الموسميه=بلابراق وودقاته قويه
بتفرح به عباد الله وخلايق=تصير الارض من بعده صخيه
ياربي يا معيني يا موفق=تساعدني على طلبة خويه
تعشم بي وسنّد لي مقاله=يقول اليوم نفس ٍ له شقيه
اقول اتصبر اكتم ما بقلبك=عسى ان ترد لايام ٍ خليه
اذا منه بطى بحقران عنك=تشكابه لخلاق البريه
ولا لتبيح للعالم ب اسمه=اذا مابحت تتعرض لسيه
تحمل صده و بعده و غيابه=ليشمت بك عدوً له بغيه
ولوّل حالتي من مثل حالك=تبلاني هوا تلعه صبيه
رمتني بعين من عين المهايا=وهد الحال ضرب المدفعيه
تبلاني ترا الهجران منها=وانا هاجرتها قبل التحيه
وصل الله على هادي البرايا=عدد ما بان غيم الموسميه
.................................................. ...............................................
فز راسي للشعر جزي=فزت الملطوم ع صداغا
صب لي فنيال ع الحزي=و لذراكم سولي صداغا
شفت حيدي قام متوزي=من وزاه الحرته راغا
لي خوي ٍ موعده حزي=ما وفى و لموعده راغا
هو مظرني على الدزي=لي لفاه الغير ما راغا
لي طلبته طلبه اعتزي=خاير ابفرمنه نزاغا
ليت لي في القلب ما حزي=و اجبرنيه اكتب ابلاغا
ياك نضم القاف بالطرزي=بدل ان ي العين ببلاغا
يوم ضاع الطير بي خزي=مط مرساله بتبلاغا
.................................................. ...............................................
اطلس و سيره مب مغباي=لي من خطف له موي ايطم
و دهيس مره هوب محتاي=تيم المحامل له تحطم
الزير دومه يعزف الناي=لي من تصدر طير يقطم
سردال متصدر وهو ياي=لي رتبه ما كد تحرطم
عزام و الفنه خشب ساي=بالولم لا لاما تغلطم
و الرايد الي زود مطراي=و النوخذا ما ضنه تبرطم
لعديد و الساحل وقفاي=كل وميله سيف يسطم
و الباز و المشخص مغباي=يخطم محامل ما بتخطم
لو دامت العزه لخياي=لا مو صلت للي بيلطم
هذا جوابي لك ي مشكاي=شي م المحامل دوم مصطم
.................................................. .................................................. ........
قد زرعنا ارضنا غرس الجهاد=وسقينا نبتنا دم الشهيد
وقطعنا عهدنا رب العباد=عن قتال الخصم انا لن نحيد
ونشرنا الاسد تحمي كل واد=تطرد الاعداء باس كالحديد
حين قال الكل إنا عالحياد=نحن قلنا للعدا هل من مزيد
هم ارادو بعدنا ملك البلاد=حين اضهرنا لهم بئس شديد
قتّلو الاطفال حتى في المهاد=حوّلو البنيان ارضا كالصعيد
ما ثنونا دون تحقيق المراد=ما خضعنا مثل تسليم العبيد
نحن احفاد الصوارم و القتاد=نحن احفاد علي وابن الوليد
يوم صار الناس ب الحق زهاد=نحن قدمنا لهم كل شهيد
.................................................. .................................................. .........
لالاتودعنا تعزم راحلي=زدت الهموم علي ثقل بلوايا
لي غبت عنا الدار بعدك تمحلي=ترسل درر بمخمل منقايا
حملت لي بعدك بحمل مثقلي=قاف ثقيل على شبه مايايا
ما يا و لا يا من ليا و تليالي=و حد التوا بليت هوا ملتايا
اشوف انه بان لي بلكتب لي=وشوف نزو بانلي بسيمايا
ياالله تعين العاشق به مبتلي=تجلي همومه تورده للمايا
يصفا و خله في مكان معتلي=بعيد عن كل حاسد و وشايا
تمت و صلو ع شفيع مرسلي=بعداد غيم ب المسا ضوّايا
.................................................. .................................................. ............
انشيت قولٍ لي وفيه اتعاضي=قولا ثجيلٍ ما تغلص فصيحي
مرّت علي اوقات زادت هياضي=و امسيت ادور لج بحر فسيحي
يطرب لها السماع لي من كان راضي=حتى بها المهموم همه يزيحي
و الي حسد زادت عليه الغياضي=غطت على قلبه ابد ما يريحي
وقت مضى عني انا كنت حاضي=عندي ف قلبه لي مكان شريحي
وأذا انا م القلب افضيت فاضي=لاسر بين الناس ابد ما يبيحي
واليوم اشوف اشراع بالولم ناضي=وبرحت روحي في مكاني كسيحي
مدري صدق والا كذب بافتراضي=عني يصير اليوم وصله شحيحي
مالي انا ف الناس عنّه معاضي=لنّه ذبحني ش سوات المسيحي
ماحد سعى ما بيننا بالتراضي=لي ما شمت اصبح بوجهه يشيحي
.................................................. .................................................. .............
كتبت اشعار في خلي=جفاني روحي أولي
ومر اسبوع ما طلي=علي و صرت له ختال

يا ليت ان تسمح ضروفك=يا غالي و اقدر أشوفك
وتسكن ايدي كفوفك=و لانسمع لكل من قال

غيابك عني سبب هم=وقلبي غيركم ما ضم
و تذكرني انا اتلعثم=اذا شفتك علي قبال

بوصفك ما لقيت انسان=سباني حسنك الفتان
يليتك بي فعلت احسان=توافقني على كل حال

خصر م الوسط متعزل=بياض و جسم متجزل
وفيك الشعر متغزل=لحون ب زينك القتال

ملكت القلب طول و عرض=وصالك صار عندي فرض
اذا شفتك اطالع لارض=خجل من حسن بك ودلال

و شعرٍ ش سواد اليل=عيونٍ هددت بالويل
اذا رمشت تهد الحيل=وهدتني و انا حيّال
.................................................. .................................................. .....
ياني على المنحات قول لفاضي=لي ماعرف للود باله مريحي
انا اقول الشعر والقلب فاضى=وهوه بها الحلات زاد المزيحي
ياكيف يتخاوون لص و قاضي=وياكيف ماينبت غاف ف سيحي
والي يعيش الحب ينصب معاضي=ويصيد قطون ع المناصب يطيحي
ويقول يفدا البدح زين البياضي=ويقول يفدا السلس خلي الفريحي
لي ما عرف في الود وصل و تراضي=يازم شرات الثور ينطح نطيحي
انصب ودور و بدح عند الفراضي=وبعد عن خبيره وعرجه وصيحي
هذي حدودي والسمك ف الفياضي=لي عيت الامواج بان الطفيحي
.................................................. .................................................. ....
يقول المرزم اتصعب منالـــه=على الي ماله ابقلبي مشارك

بدعت الجيل بسباب التواله=وسيد الغيد سبب لي مهالك

زمان ايدور دورات المحالـــه=لبد من يوم يبعدبك منــــــالك

تراه الخل وثق بي حبالــــه=وقفابي وخلا الحـــــــال دارك

يزين القد من قد الغزالـــــه=يزين الرمش سهم في معارك

ملك لي القلب من اول نزاله=وقال ابعدت ما يتم المنالــــك

خفيت الاسم في دفتر مجاله=غلاص ابيات صعبات محالك

برد الغابشين الا المقالــــــــه=بست ايام الزمهم مكانــــــك

هَيتلي ثم لَيتلي في المساله=عفسر الفسر ربي الله عانك

وصلوا عالذي صادق مقالـــه=عدد ما ورد ناس للمهـــــــالك

[سوبر سفاري]

ياليتهم ياالياسي=ماعذبوا لمشقا
وتملكوا لحساسي=ملك الذي مابقا
ماتم حد ايواسي=صار العضم مندقا
قلبه عليّه جاسي=مثل الصخر ما رقا
قلبي هواه ايجاسي=موي اوبحر مزرقا
سيّد على اليلاسي=شمس الصبح مشرقا
جيدٍ وخد املاسي=غيم بوسطه برقا
ومن الثغر للماسي=منه العسل مدفقا
لي من شربت الكاسي=خمر اللما معتقا
ايضيع كل اقياسي=ثوب الحزن ينعقا
واعيان له نعّاسي=ومن الظبي له عنقا
شعره وليل اغلاسي=ماتفرقه ون عقا
على الردف متواسي=له مهجتي مهرقا
ماحيد فيّّه داسي=باب الخطا ما دقا
واليوم لي بانحاسي=ابعد بليا حقا
حبه بقلبي راسي=كد غردت به ورقا
سعوا بنا بلاسي=يله عساهم حرقا
تالي علنت افلاسي=غربي غدالي شرقا
شل القلب يا الياسي=ولا رحم لمشقا
.................................................. ................................
محّد شراتي في الهوا ومدوخ=مثل الذى من بعد صومه داخا
يالس اعد ابيات لي عا بخبخ=من بعد ما حيدي الثجيلي ناخا
كانك قريته قول عن لا تصوخ=ياكم واحد من قبلكم صاخا
ماهمني طعس قطعت مربخ=ماردني دون الوصل مصباخا
من ضيج بي وهم برحت انفخ=ولاحصل لي للاسف مدواخا
ياكم محمل م العوالي ينبخ=مالان له من دامنه نتاخا
لي من خطف لو في البحربيصرّخ=كل المحامل تستوي شراخا
صار الشراع املي متنفخ=وانا دقليه منكسر م الفاخا
ماهوب مثل الي خطف و مزنبخ=والنوخذا منه الشعر كد شاخا
ياكم واحد للسباق ايطبخ=مافاده التخطيط و الطباخا
وترا الحذر من البحر لمدلخ=يطويك مويه بالعجل لو صاخا
واطلب عذر كان الكلام ملبخ=ماتظهر الشيجه بلا منتاخا
.................................................. ..................................................
هاض الشعر مكنونه .... طوفاني .... يطمي الارض و يعم
من سمع لي يلعونه .... خلاني .... طايح دريك محم
حاير م بين اركونه .... يشعاني .... بحر عبابه طم
يا الله طلبت العونه .... ينصاني .... في ميلسي نلتم
ياعين يا محزونه .... وتعاني .... فيها الدمع ما تم
عسى انه يلاقونه .... شفقاني .... وطياب ريح انشم
راعي العويد اليونه .... رياني .... شعر عليه ادهم
حواجبه مقرونه .... سبحاني .... له خالجه تمم
له في الشفا مكنونه .... م تباني .... نقوت قماش اليم
روحي بهم مرهونه .... وتعاني .... والبعد سبب هم
هذا العشق وركونه .... شقاني .... ولا قدرت اكتم
.................................................. .............................................

يقول المرزم بأول مقاله=اشوف الحل عندك هوب سالك
وحل اللغز سهل بالدلاله=وبعد الخا واو له تشارك
احاول حل لغزك بالعداله=شكيت الوجد ال منهو شكالك
ب واحد واربعين امن النباله=وعشر سيوف تتسبب مهالك
ابي اعرف للعزه مجاله=وياما ردني وانا مدارك
حملت اسمه انا بين الزماله=وحول لي الشعر صعب المحالك
حبكت الشعر بحباك النواله=حبكته حبك يوصف به تحابك
وشبكت التشابك ب الشماله=وبا اليمنا انا حل التشابك
وصفيت التصافي من زلاله=تصفا صافي والسعد فالك
واسند لك اذا زدت العباله=وانا اتسند اذا ياني مقالك
.................................................. ...............................

هلا يا حي ببيوتن طواها=بطرسن فوت الدله امعناها
والا يا حي من هوقد كتبها=غديرن عذب م الخاطر صفاها
واطرب مسمعي وحرك مقالي=وطاف القلب بالصفح وتلاها
تلاها كنها خد الصبيه=بيوم العرس و العنبر طلاها
طلاها دهن عود وزعفرانه=ومسك وطيب تفرح من قراها
قراها فاهم المعنى ابجماله=بعد ما عدها رد او فلاها
فلاها ثم فكر في المعاني=ومر اليل يبحث ما حواها
حواها ما حوا الحاوي بسحره=معاني ما هقيت انه طراها
طراهاو مر لي يقرا عليها=ولاكنه تقرب من حذاها
حذاها ريحت الريحان فاحت=وخيل الي عرض عيني ولهاها
لهاها بسين قاف وخمسة اشهر=تعب و الروح راحت ما هناها
هناها في مواصل ب الموده=وب الحقران خله قد جزاها
جزاها ما جزا الياحد خويه=بصد و رد و العشره نفاها
نفاها نفي متغلص لصيده=وخلا صيدته ثم انتحاها
نحاها نحي غيمن عن صحارا=نشف كل شي فيها ما سقاها
سقى دار الوضيحي ثم خاير=لدار الياه سبعن في علاها
علا ها ثم تحدر للوطايا=ويسقي روح من وده شقاها
شقا احمد على نضم المثايل=بلام ورَد روحه ونتهاها
نهاها وستدنت للحبايب=وداس الوعر حافي في ثراها
ثراها من ثر الجنه تحدر=به الياقوت والدر ايتباها
تباها بعد ما كبر وصلى=على شفاعنا المبعوث طه
.................................................. .................................................
الى يا صاحبي قنّد وقرّب لليمين أدلال=تنضّا بزعفران و ورد على حامي وجيد العود
يطيب الخاطر الشاجي الا مني رشفت أعلال=يزين الوقت اذا مني بغيت أ ردد المنشود
نشيدي ما يوفيلك حقوقك يا نسل لرجال=وذا مني بدعت الجيل عنيتك ونته المفنود
خوي(ن)يعرف المعنى ولا ردد لقيل او قال=ورث زين الخصايل من قبايل ذكرها محمود
الا يامن شكا م الوجد يدوّر للهوا حلّال=يقول ان الهوا غلّاب على من وصلهم محدود
يعينك ربّي الخالق على شوق(ن)يهد يبال=وأذا مني بغيت العون ابشّرك أبليالي سعود
اجند لك ترى جيشي وقايدهم انا الحيال=بقو ومكر(ن)وحيله نوصلكم الى المقصود
وهذا عندي الواجب ب تذكرني اذ ماطال=زمانك وقصروا عنك الجماعه يا زكي ليدود
اذ طير الهوا غنّا وريحان الشعر ميّال=ف قلب العاشق المغرم وسط بحر(ن) غزير بلود
وثاء(ن)من ردات البين وواو(ن)بيّنت لشكال= يقول احمدب ه و ل وظبي(ن)ذاير(ن)وشرود
وبين لي با فعل الواواذا م انه غدى ذهال=عسى كل حاسد(ن) يجزى بقوله في وسط للحود
ختمت القول لك مني تحيه و الشكر و أجلال=عدد ما ردد الحانه حمام الراعبي عالعود

.................................................. .................................................. ............
ابدي قولي بالسلام=قبل اصرّح بالكلام
وانضم المعنى بجيل=في وصف بدر التمام

في وصف بدر البدور=لي حكمني ظلم و جور
من خفى غاب السرور=و اقطعه حبل الغرام

و اقطعه حبل الوتين=قلت ربّي يامعين
صرت من بعده حزين=عايش(ن) وسط الظلام

عايشٍ وسط الغبيب=مارحم حالي الحبيب
قوت روحي و الشريب=لو حكم حالي عدام

لو حكم حالي بروف=زارني لو بالشفوف
صرت من بعده عزوف=لي وصل غيره حرام

لي وصل غيره محال=كد سقاني م الزلال
فيه لي طاب المقال=ما تسمع به ملام

ما تسمع به عذول=من عذلني ماينول
من مقاله لي قبول=لو كثر قيلت حرام

لو كثر قول الغضي=هو شفايه ومرضي
حالف ٍ ما انقضي=عهدنا ب الالتزام

عهد له عهد ٍ ثبوت=لو تشمت بي شموت
ملتزم حتى اموت=لو قطع عهدي بصرام

لو قطع عهدي الجديم=ما ابدل به نديم
ذار عني مثل ريم=يعل داره م الغمام

يعل داره م الغيوم=غيث مسود ٍ عزوم
طاب وسمي ٍ يدوم=عشر و اربع بالتمام

عشر و أربع و اربعه=عمر له في مربعه
لوا يأشر باصبعه=قال قلبي يا سلام

.................................................. .............................................
اسميه خان أبلاده لي ما حشّم ثراها=ماسومه بالثريا لو علّت في سماها
رمل(ن) كحل عيوني لي غضّت في كراها=يمشي انا بعروقي لمصفى من دماها
زبن الضعيف الخايف لي يذري في ذراها=ماحد يقدر يضيمه دامه لاذ اب حماها
هذي دار الفلاحي كم ليلةٍ سرّاها=يتبع علوم بلاده لين اتسبب نماها
وأرتفعت في المعالي لين القاصي طراها=تشفي الروح العليله عندي شربت لماها
حتى الوحش في الصحرا لي ضاري قد ضراها=امّن على احواله ما يشكي من ضماها
ياويل من هو ضيّع حفنة رمل و زراها=ولا فهم معناها من كفّه قد رماها
يا الله ف قلبه فريه من حفّار(ن)فراها=يا كيف خان بلاده من عقب شربت ماها
افدي تراني بروحي كل من ارضه دراها=حب(ن) سرى في عروقي والمهجه قد طماها

.................................................. .................................................. ......
نصيحه من تجاهلني اقدم له انا لنصوح=تمعن رد و أتبخص قبل لا تسير تشناني
تراني منتدى العليا ولابغي ترجمان شروح=يسجل شعري بالساهل و لا هو يوم عناني
عريب امعرب التعريب خفيف الدم لجل الروح=تنفل بين ابداعه وقافيته و للحاني
منقى نقوة الفنان يبين به اثر عالصوح=و ارويـبـه ترا الشفجان الي من قال ضمياني
و أرجع للدروب الي عليها دايمٍ و يشوح=و امشيه اب طريق الشعر ادله كل عمياني
طريق القاف هو دربي ما رجّّّّّّّّعني عنه نابوح=اذا قفيت ط او غ يعرض الدرب خبلاني
تحذر يا فهيم الشور لاخلي عيبكم مفضوح=و اخلي كل من يقرا لقولك ما يرد ثاني
و اخلي من تحزمتوا على رمضا وهو مطروح=محد ايثيب و ايعينه اذا قفيت زعلاني
وكل الشعر سجّّلته ب انواعه عطور اتفوح=يقول الخبل ما افهم صعيب القول يا فلاني
ابا افرض انا رايي يكود ان ماليه مربوح=وهو حاسد ولا تابع صحيح القول بالعاني
وحد(ن) ما عرف م الشعر غير القافيه و النوح=تراث الشعر لي زاخر مطلسم كل لوزاني
.................................................. .................................................. ........
شد يا الطارش على خيار المطايا=من سلالة سبق بطرافٍ نفيه
ضامر الها مثل م القوس امحنايا=شد به راعيه ضرباته قويه
طال عاتقها مثل سيف المنايا=و ارفعه فارس بشلات الحميه
لي دجيجٍ ساقها عزلا القطايا=زورها مفرود و الذروه عليّه
لحمها منشوح ع طلبت بغايا=في الفخوذ ويا المناكب به مليه
لي سرحت بك بالسبق تعطي عطايا=كنها ظبيٍ مذيّر ب خلويه
في حماة الشمس ما تبغي الوطايا=للموارد ما لها ابدن بغيه
سير مدلاها مثل ودق السمايا=ون قبضت خطامها بكره هديه
طوع ل بنانك ما تحتاي العصايا=تطرب لصوتك بشلات علويه
ما شكت بخفوفها يبس الحفايا=تقطع سيوحٍ ورمله بالسويه
من نسل ظبيان ماهي بجهمايا=لي سرو ع ظهورهن اهل السريه
شرّق امن الطف بدروب الهدايا=بين شقانن ويا رمول أهيليه
زور دارٍ عزها يوم الطنايا=قد ذكر للناس بسنينٍ خليه
زادها الله عزٍ بناسٍ سخايا=من زبنهم ما بيشكي من شكيه
دار راعي الجيب مذخور الخبايا=عند حزاته م يتأخر عليه
ثيبني يا نسل صافين الصفايا=ما خسر من هو تحزم بك صفيه
رد خلٍ لي يبا يجدد هوايا=من عقب ما شانت الفرقا عليه
بو خدود اتشع من تحت الغشايا=و المعنق عنق ريمن سولعيه
والصدر جاعد ويزهو ع الصبايا=والشعر رضفين ع الردفين ليه
والنحر صافي به النور ايتهايا=و الخصر منحوف ما بين بطيه
لي مشى توح اجدمه مثل القطايا=يدرز اب ممشاه يوم اقبل بزّيه
ما تكفي شوفته يوم ايتلايا=دام ما بتصافح ايدينه يديه
ضعت يا بو شهاب بين ارضي و سمايا=شوف دقّات القلب دق اخطريه
من بعد ما تبت عن اخذ او عطايا=اشّر بكفه و خلاني ضحيه
اشّر و صوّب وهدد بالمنايا=ويل قلبٍ قد رموه اب صوجريه
وانا دور عندكم مرهم شفايا=رد مذخورٍ يحل اليه قضيه
يا الـه العرش خلاق البرايا=تستمع دعواي خلاق البريه
يعل داره يود همّال بمسايا=لاح برّاقه عليهم ب عشويه
تصبح الوديان من بعده يرايا=تزدهر بالعشب قيعانٍ خليه
تمتلي غدران حتى للنهايا=ون سرى للفقع ما مر اعيليّه
جنب الى العين غدر بالحنايا=ثم غرب لليحر واسقى ل فيه
مر يتلى الساد و الخزنه سوايا=ع البدع ويّا الختم ثم الفييه
ع جرن يافور و المفرق وصايا=والشوامخ مع قفوف اللحيليه
لاف دارٍ قد غدت مربا صبايا=بوظبي مضواي واليه بها لفيه
ّّغرّب او شرّق بدقاتٍ عتايا=م السلع حتى مساييل البديه
والف صلوا عد ما سرّوا سرايا=او عدد ما هبت النسمه عذيه
ع النبي شفّاعنا يوم الشكايا=يوم ما بيفيد لمخاوي خويه

.................................................. .................................................. .
حي جيلك لي لفى قبل العشايا=وحتوته اليه سلوكٍ هاتفيه
حي به يا حي من عنا العنايا=حي به بعداد ماردّو تحيه
او عدد ما خببو اهل المطايا=او عدد ما يلعي اللاعي لعيه
شاقني شعر(ن)مفند قد تهايا=سيع(ن) و طارج حداوي لوليه
بش له قلبي وهذا لي منايا=يستريح القلب و النفس الشجيه
صاغ راعي الجيب لي بلسم شفايا=ون مدحته زاد دينه لي عليه
فوق نفاث(ن)بطرش له تحايا=سابقن للصوت ب السرعه شويه
يا نديبي وصّله صافي الصفايا=ونشره للناس كلن في حويّه
عالرمول ويا اليبال الى علايا=ع الشّير والطير وسيوح(ن) وطيه
عالسمر و الغاف والاشخر سوايا=ون لفيت ابدار عامر مب خليه
ادخل اب يمناك وصّلها الوصايا=ختمها ب عطور و رياح(ن)شذيه
ليت هو يا خوي من ضمن اقصرايا=ونتخاوا وياه في سيره و ييّه
من يخاوي رجال م تهمه بلايا =من يخاوي انذال يستحمل رزيه
الف صلو عد ماهبت عذايا=ع النبي المبعوث هادي للبريه

[سوبر سفاري]

اغزل اشعاري بالاغزالي=هوب مغزل لي مغازيلي

دايمن وصفي بالاجزالي=ما تبع وطي المنازيلي

ابدعه و ازليه بالزالي=صافين ينهل تنزيلي

عزوتي ون قلت عزالي=فيهم الي هو يعزيلي

انشد الوافي و ما زالي=ما كتب قوله بتهزيلي

اه وا ويلي من أغزالي=منفرد روحه بتعزيلي

له خصر منحوف عزالي=طاب لي فيه التغزيلي

من عرفته و يتبزالي=بالمواصل ما يجَزيلي

وان نظرلي بعين لهزالي=رد قلبي لا تخزيلي

اتعبنيه و التوزالي=وان دعيته ما يوازيلي

من كدر لي ما تنزالي=صابني بروحي تزلزيلي

في الحشى مطرق و رزالي=خايفن م الروح لاتزيلي

وان كتبت الجيل بالزالي=شربكوا ربعي مغازيلي
.................................................. .......................................
ارتفع عن كل منزالي=لي تحطمه الزلازيلي
من بغى العليا توزّالي=معتزل فوق المعازيلي
ماحرزت اب حرز غزّالي=بالسحر قولي يعزيلي
في حنايا الروح با عزالي=الاصل فيه امتيازيلي
ما أدور كتب لازالي =انتقي و احط عرزيلي
ب الشراغه و التبزالي=قلت حق الشمس كزيلي
ون طلبت اسهيل لي زالي=للثريا قلت فزيلي
ما ظهر لي رد وازالي=ب المعاني و التجزيلي
من كتب قوله ب لهزالي=الشحيمه عنه بتزيلي
وا عَزي عازي بمغزالي=ضاعت العزوه ب عازيلي
من عزاهم يعزي الزالي=باب له بين المنازيلي
واختم ابياتي انا بزالي=غرّز الجمس البرازيلي
.................................................. .......................................
ويل قلبن صار ملتاعي=من وليفن في الهوا صاعه

عشت انا ويّاه مرباعي =كم وسدت الراس ع ذراعه

كم توسد خلي ذراعي=ما غدا ما بيننا طماعه

مانسمع كل سماعي=ايلس انا وياه لو ساعه

قد تعلق خلي اطباعي=ولقلب متعلق اطباعه

لاولاهو قد لعا لاعي=ماتتبع قولن او شاعه

يعرف المعنى بالاسناعي=وارث المذهب ويا اسناعه

وان طلبت اليوم ما طاعي=مدري وش هو في الهوى لاعه

لي غمر بالقبله اشراعي=بايملي بالهوى اشراعه

دايمن لجله انا راعي=واحتريها طلت شعاعه

كم انا مديت له باعي =ولا يمد اليه الغضي باعه

شاربن من سم لافاعي=وايترع من بعده ايراعه

مخفين اسمه في نزاعي=في وسط قلبي و منباعه

عقربن في سهيل ما طاعي=خيل خبابن بمرباعه

.................................................. ......................................
لي طلبت الياسي العزوه=ابشر بسعدك ي طلابه
م القبيسي اهتقي هقوه=له يسير الشعر بصلابه
يعل راعي الجيب ع الّقوه=ينكتب له شوفة احبابه
نجمنا الهاوي ضوا ضوه=والمعاني دوم خلابه
ياه قلبه حدته شقوة=من غزير الشعر جلبابه
من يطال الدانه برجوه=لي سمعها ضيع البابه
لي عصف بالسيح له نشوه=النسيم ايفرح اصحابه
دايم العشاق له نقوه=والقوافي صبها صبابه
الرميثي يدلي ابدلوه=له معاني حيل سلّابه
م البجيه نحتري حروه=كلهم للشعر عرابه
شعرهم م يسبب الحزوه=يستريح القلب بسبابه
ينكتب في حزة الخلوه=نرسمه ثم انتسلابه
والحواسد تصطلي صلوه=تنضرب نيران دبّابه
.................................................. ........................................
كِتبت المعنى لها قوه =دانة الدانات تزهابه
واعتلى الياسي على ربوه=شعر له بيِن تحلابه
حي نسيم السيح بالزهوه=المعاني تطرق ابوابه
لي كتب لي رد لي بنحوه=القبيسي ورتفعنابه
يا الرميثي شعرنا روه=من غدير الماك بعذابه
صاغت ام مكتوم لي رضوه=وجبرتن اكتب كتابه
يالخوي يا زين لمخوة=راعي الجيب انتعلابه
من بيوته ننتشي نشوه=ما هوا نجم ارتفع (نابه)
حي قول الهم شعا شعوه=عد ما انا فرحت بسبابه
حي به وياحي من لوه=عد ما جيلٍ تلوابه
قول مابه شي(ن)امشوه=من عريب الجيل نلعابه
لي سقوه بنهر يتروه=صافي (ن) عذبٍ من اعذابه
عسل صافي من عسل شبوه=يسلب الماخوذ بسبابه
نور بين من على علوه=انور الميلس و شعابه
ما لفاني مثل م البوّه=المعاني اصل منشابه
وسط روحي ازلي اب زلوه=واحفظه عن كل متشابه
لو تعرضني انا بلوه=لا تضنوبي انا اصخابه

.................................................. ......................................
يقول اللي رقا روس الجمايم=ما رده دونها وعر(ن)تشدد
بحيل و قوةٍ عزم و همايم=وخلى الشين ببيات ايتصدد
ما جمعها القوافي م اللمايم=من الخاطر سبكها ما تردد
مقال الياسي احمد ع الذمايم=رفعت السيف له ضربٍ مسدد
لا تتّبَع من اقوال النمايم=على الزلات دايم هي تعدد
وترّّك واطيٍ و ارقا الزمايم=لا ترقب غيث من مزنن تبدد
تغرك ناس تتعمم عمايم=ولي من رحت له تم ايتلدد
ودوّر خل وده م الصمايم=يسَند لك اذ وقتك تضدد
غدى لجلك عضامه م الرمايم=اذ رابعك عمرك م اتهدد
تحذر من لذي صدره حمايم=تواصلبه على شيٍ محدد
ولا ترابع شبابٍ م الخمايم=عليك الناس دايم ب تنَدد
وصلوا عد ما ناحت حمايم=عدد ما سّبح المسلم وردد

.................................................. ..................................................
بنتقي من خافي القافي=واجمعه من كل لولافي
عن معاني البعض هي جزله=تنحدر من صافي الصافي
.............
تنحدر من نبع(ن)مصفا=ويهدر هو دوم ماجفا
في السما شمس(ن)ومعتزله=بينت عن مخفي الخافي
.............
ارقا دوم النايف العالي=ووزن المعنا بلا زلالي
وترك الموطاه و النزله=ماتتبع لي مشا حافي
.............
لو غدا كل من كتب غنا=ما بدعنا شي ممحنا
منتقي العدله من الهزله=لو يهيض الشعر عصافي
.............
نور قولي في السماشضه=لي قرالي ذاك من حضه
لي بغا لمزاحم يلزله=قال ربي عين يا كافي
.............
من شكا من نفس ممحونه=يترك الي هم يعذلونه
ون نضر في قولي وخزله=با يشرف قولي اشرافي
.............
اسمحولي و العذر واجب=مابغينا حد(ن) يشاجب
كل معنا ضعيف باعزله=وابعد اقلامي عن الهافي
.................................................. .................................................. ....
اجديت يا ديج الضرايب=يوم انقصر فعل الرياييل

لي ما هقيناهم هرايب=يوم العدو ميّل بهم ميل

اسميه ف الدنيا غرايب=ديك و رفع راس المهازيل

لي شارب(ن) حلو العذايب=من نهر دجله عل تنهيل

يوم العرب جروا نحايب=فعلك يوقف قال(ن) و قيل

اخاف لي صارت هرايب =تحمي الفرات وشاطي النيل

ميّلت لي ناوي الغصايب=و آزم نهاره كنه الليل

ازريت به فعل الكتايب=قول(ن) و قيل و حط(ن) و شيل

قد صار في الدنيا عجايب= ديك(ن) رفع راس الرياييل

.................................................. .................................................. ...
يامن بنضم الشعر رس ٍ وقاسي=اهلاً هلاً ماهب م البر نسه
واهلاً عدد ماضم بحر ٍ مراسي=و اهلاً عدد مادار عاشق بعسه
ياذا الخوي اثبت ان القياسي=مقياس قيس وضاع بالحيل جسه
كثر اللغاثي زاد وجهه عباسي=وكثر المسبه زاد بالريح هسه
بحر الشعر لي صار عندي غماسي=فنجال لي مشروب راس ٍ برسه
لي من بدعته ما تحيّن هواسي=كنه على لسطور يحكي بهمسه
اينبه الي زود غارق نعاسي=وأذن الذي مهموم تطرب بحسه
لي به رفعنا ناس مالم مواسي=فندن مابين الخلق من بعد طسّه
والي بغا لنكاس ينزل نكاسي=ما يحتمل بالشعر لو نص لمسه
ضنوا الشعر ياخوي لعبة كراسي=لكن ورد الطيب ينبت بغرسه
والكل قدره فوق عيني وراسي=لي من صفالي بزين قلبه و نفسه
.................................................. .................................................. ............
وينكم ياهل العزاره=طيف خلي اليوم زاره

ثم تربع ف الحنايا=كنّه اب كرسي وزاره

ليت يسمح لي ب مرّه=بس ازوره في مزاره

واكتب المعنى ب وصفه=انتقي حص الغزاره

ان وقف مقدر اروده=وان مشى يمشي ب فزاره

صغر نفس(ن)مع معاني=ما يكلمني ب هزاره

هو طماني في بحوره=وسط مدّه و الجزاره

راح عمري لجل عينه=له ب قزر له قزاره

وأتبعه قول البدايه=اسكتو ي أهل العزاره

.................................................. .............................
كل من وثّق وزاره=لي نزل شعري بزاره
من تحسّر لين كوعه=ناوي(ن) شغل الجزاره
لو بحور الشعر جفّت=يمتلي غيمي بـــمزاره
عرش قلبي الخل شلّه=ينظر الهم بالشزاره
منيتي اني اشوفه=لو حثى عيني بزاره
تلتقي بالعين عينه=حتى لو نظرة خزاره
سبع واوٍ دال لام ٍ=شوف حلّك بـــالحزاره
لي طلبته لجل خلّي =دون حقّه بـــالنزاره
بان خطّي في قصيدي=وظهروا اهل العزاره
خاب من هو قد تحزم=خوص والتف بــوزاره

.................................................. ....................................
حي بكتاب الطيبين المخاشير=لي من وصل من عاليين الطوايف

حيّه عدد ما حام وقت الحوم طير=والا عدد ما ورّدو ف المصايف

والا عددما رددو يا الله الخير=ناس(ن) هموم القلب فيهم كلايف

كلايف الي اثقله قاصر المير=و الدرب عسم امناصف بالنصايف

نصايف(ن) و أقبل ع روس الدعاثير=والحيل باد موازم(ن)للحتايف

حتايف(ن) ما رجّعته المشاوير=طود(ن) تعلا بين كل الشرايف

مستشرف(ن) و أشرف مقاله ب ماهير=وأمهر بختمه وعتزل ف النوايف

نايف مكانه مرتفع دون مالغير=نجم(ن) هوا بالرجم شيطان طايف

طايف خطف ولم(ن) بشرع ٍ ممازير=و انا شراعي مامزر بالخطايف

خطايف الي ردته دّوقة الصير=وسط الظليما و البحر به مهايف

صكّك عليه الليل و الوقت نزّير=وصفق يمينه ع اليسار بحسايف

حسايف الي شتته المقادير=اصبح لشرب وقوت نفسه معايف

عايف يشل النوح لو توّه صغير=كن العمر له بادين بالنكايف

وانكف بربح(ن) له يحسب المخاسير=ومن الربح ما حصّل الى الهايف

لهفت لذي قد ولّعوه المنافير=ثوب الحشيمه لي عليهن رضايف

رضف(ن) عليه بزور ضرب الكتاتير=صارت جروح(ن) له تهل الرعايف

وأرعف مثل ما غرفت الدلو م البير=بعد الحيا ما هل مابه نشايف

نشفت عروقي من علوم المعازير=ما كنت اظن الهم عقول(ن) خفايف

خفّف همومي منك وصل ابتباصير=مرسول خطّك مثل ودق النفايف

نفايف(ن) تسقي ديار(ن) مغابير=وأستنبتت عشب(ن) خضر باللفايف

لفايف الطرس الموشى بتباشير=شلّه ثقيل(ن) ما يعرف الخلايف

يخلف عليه الوقت وصل الغنادير=عند الرجوع أبشوف زين الوصايف

موصوف كشح(ن) له عزيل المداوير=يا زين همسه لي طلع م الشفايف

شفايفه تحوي لدر المغازير=لي ما حكن بالشين قول العوايف

عوايف الي اتعبوه المنازير=لي ضامه الوقت بكثير الحوايف

حايف ولاف ولا حصلّه تعابير=غير الدموع الي ع خدّه ذرايف

ذرايفه مثل العطر من تخامير=وأن شلّته ريح الشمال بهفايف

هفّت على دار المعزه ب تقدير=ودق(ن) هميل(ن) ون ثقل دق رايف

رايف بدقّت باب ولد المناعير=يرضى بردي لوغدى اليوم هايف

[سوبر سفاري]

يامن كتبت الغيث يروي المشارب=يا الله يامعبود خالق من درَج

النا من الشريان اقرب مقارب=مع ذا نحن عاصين نقطع كل وشَج

من جنتك و النار ما حد هارب=نتّبع الشيطان خيل النا سَرج

صرنا من الطاعات لا من مجارب=نقطع طريق(ن)شين نترجا الفرَج

دايم نفاخر بالنسب ولد عارب=والا نسبنا الديننا ماحد لهَج

نطلب الاهي العون من كل خارب=يامنجين ذ النون من غب الّجج

انجيت من في الجب بمرور شارب=واسريت لك طه الى الجنه عرَج

والي هدم لصنام بالفاس ضارب=من نار في دنياه اظهرت الفرَج

انك الى درب الهدا و المئارب=تهدي الهدى قلب(ن)بذكرك قد لهَج

تجزي الاهي خير ولد المذارب=مثله الى الطولات دايم قد ولَج

فكره غدابه راح ل سد مارب=روّح بأفكاره وتاريخه سجَج

.................................................. ................................................
جفى خلّي بطى عنّي بردّه=و لا كني بعينه صرت هايم

ف وين الحق و عهوده و وعده=اذ ما الوقت اصبح له موالم

بخيل الوصل لجلي صار زهده=وهو لي بالكرم يزري بحاتم

الا يا وجد من فارق موده=وجود الي عفت عنه المراسم

و لامن حد لدروبه يرده=تحير وين داره صار مازم

فلاني بالذي بيّح بسده=ولاني بالذي صابر و كاتم

رسولي شل خطّي قوم ودّه=الى من بالهوى بالحيل ظالم

ظلمني بالهوى في وقت شدّه=جفاه اشد من ضرب الصوارم

كتبت الشعر جاريته و ارده=على قلبي و صار القلب شايم

ف اما وصل والا القلب رده=و لا ترفع سيوفك للمسالم

واذ درسعت قول انته تمده=حبل فرقاك لي هد العزايم

ط مس القلب شلّه رد هده=ك طود ٍ صار من ضمن المعالم

ورا لي ولّعه قلبي بوجده=و لا من قد نشد عني و حايم
.................................................. ..............................................
هلا يا صاحبي بصوتك عبر لسلاك=وزنت الشعر قبل لا تكتبه عاني

هلا بك عد ما دارت وسط لفلاك=كواكب مع نجوم(ن) ب التوزاني

هلا بك هلل هلالك على مبداك=بيوتك تبهر القاصي مع الداني

هلا بك عد ما خطّت رسم يمناك=تزخرف لوحة الاشعار بالحاني

هلا بك اصلٍ و طيبه نبت منشاك=فلانن بن فلان فلان لفلاني

هلا بك مدح ف اسطاري فدى ل ثراك=اذ ماني كتبت الجيل عزّاني

هلا بك ليت كل الناس هم شرواك=ترا شعري بوصفك زود يزداني

هلا يا حي عدد ما نحتري روياك=هلال العيد و امسى بدر ف عياني
.................................................. .................................................. .............
فوق مدلوله ظهر زينه=من تفارقنا خفى خبره

بالتوصّف ما حلا عينه=منها قلبي نفذ صبره

ليت بانت لي تبايينه=معتزل منصوف من خصره

ان حكى هلّت تلاحينه=و الحصابي زيّنت ثغره

يعل يفدونه معادينه=يعل حسّادي فدى نثره

اكتبه ما بيني و بينه=لغز من حلّه كفى عثره

الخصاب ان زاد ماشينه=و الوحر ما كلت انا شطره

بو عبيد العالي ايعينه=من ثلا ثينٍ قضى عبره

ما نوفي حقّه و دينه=عالقصيده نبصم بعشره
.................................................. ........................................
بالمدح ما كفي اكفايه=من خلج ما منه أخطايه

ما يعرفه لي بخص قدره=حده ابحد التلعايه

عيسرينه و ان حوت حصبا=قرب زي ٍ عند غلّايه

من ذرى خالوف في نمده=تحت فغلول ٍ ف عيّايه

صيفرون ٍ طاح و المالج=و الربش لجله تلهايه

و ان قرب للحِرف لمهايف=داس شيته صار وذّايه

من غدا للكوز هيّوره=صاح للمنقف يا مولايه

ما وطا داعوب في خوره=بالمضرّب ما ليه حايه

وسط لمعقّب غدى محّصر=و المّير الي على الغايه

جاف حوله و العلم بيمه=ميفره عالباب رمايه

المسو احتاس و الكربه=انير المخّار وشّايه

ما خطف و الفلس متشرّخ=فرمنه قاصر م لوفايه

بان محّه من ورا الداسي=زبدره والميل مبرايه

المرد اتخرّب اتكسر=طاح و المايات سرّايه

صبو تحت قفوف بظهاره=يوّ والصيعي له الهايه

والسناح الي تذرابه=قرب مسناده و متكايه

شف دريزه في وسط علقى=ناعس ٍ في قرب ملفايه

قد خفى عني و انا مروّح=ضربتي و ان قلت مثنايه

لمعنى محطوط في شفره=المصفى من تزكايه

فاحتوت ربع الذي اعني=و احتوت ربحي و توزايه

عين دعجى من ورا غشوه=فا كشفت ستري و معنايه
.................................................. .........................................
شرّفت مشراف عن دوس الشنان=وتركت من شان طايح في حسوف

المعاني بينت فيها اتزان=والقوافي ولّفتها بالالوف

جمّعتها لي بغت مثل الخوان=وبعدتها لي نوت مثل الطروف

البريسم ما يزين الكم زمان=دوّر المدلول في ملبوس صوف

من سقط ف القول قبل الامتحان=ما تفيد قرايته لو بالشفوف

يا عسى ماله مقر ٍ في مكان=مثل ما الخفاش ساكن في كهوف

دام ماله بالعقل ثقل و رزان=ما غداله عين للمعنى تشوف

ابشري حاله مسيره للهوان=و ان كمل بدره...قارب للخسوف
.................................................. ............................................
شاقني جيلٍ تهايالي=بالمعاني بانت حروفه

و اكتب اشعاري وصف حالي =يوم صارت حالتي عوفه

لو تعذلوني يا عذالي =اكتبه ما منّه اكلوفه

ليت يا الوسمي درى بحالي=ساقني قلبي على شوفه

لو يقطع بي ربع خالي=دون وصله ما لي انكوفه

صد بي ما رد لي وصالي=ما حلى دله مع وصوفه

ليتني با حصّل انوالي=لو خياله مرني بلوفه

ريم رابي وسط مغتالي=شام عني م اقدر احوفه

الشَعر ما تم نشّالي=طايحه ع متونه ازلوفه

و الخصر ضامر ك لهلالي=منتصف جسمه بالنصوفه

و ان نظر لي بلحظ قتالي=ثار عقلي معلقٍ نوفه

لي ظهر لحظه تبدّالي=هو بدر شعبان بالشوفه

و ان رمس يرمس بالمثالي =ما يعرف الكلمه العوفه

زاد بي شغل او تعبالي=من وزاه الروح ملهوفه

شوف يا الوسمي العقل زالي=ما تعطف وارفق ابروفه
.................................................. .........................................
زمان(ن)مر ع الخاطر طرالي=بحلو و مر بايام(ن) خوالي
و ذكّرني زماني صوت ساجع=بطرف السيح و الحبل الشمالي
قريب(ن) من سمر شنّه مبيتي=وصوت السجع هيّض بي مقالي
الا يا ذا الزمن وين اخويايه=تفرّقنا وكل(ن) صار سالى
بحال و مال و الدنيا الدنيه=و لا لي عاد مع حد اتصالي
تخاوينا معاهم ع المرايل=وسرّينا بها سود اليالي
واذ منّا ضوينا مبتغانا=وقفنا بطرفها رمول الهلالي
و صاح النجر و النسناس طيّب=ودار ابنا مقند م الدلالي
و سولفنا على نار(ن) هديه=و كلن نام صافي البال خالي
و قبل الصبح ما يسفر بنوره=غبشنا نقول بالله اتكالي
نشّرق من سواريق البديه =نجنب مالعرب عنهم حيالي
اذا من لفْتهم ذبحو هديه=و لو حرموا اهلهم و العيالي
و هذا طبعهم من يوم خلجو=عسى ان الله يسقيهم زلالي
وقبل الظهر قيّلنا بضله=و سوينا غدانا باعتجالي
و لا تطلب خوّيك بالمساعد=بنظرة عين تكفي عن سؤالي
و روّحنا نبا الدار المطله=لراس الحد شدينا الرحالي
قضينا هناك عطلتنا و زياده=و حنينا الى دار المعالي
ايا وجدي على شوفة دياري= وجود الي مفارج كل غالي
طلبت الله يوصلني اليها=اشوف سيوحها ويا الرمالي
اشوف بيوتها ويّا الشوارع=وتطري لي بعدشوفة لهالي
ويطري الخل لي يسوا عيوني=وعينه من وصف عين الغزالي
عيونن ما لمسها ير مرود=طبيعي كحلها دعج(ن) ثلالي
و خده مثل ما الطرس ابياضه=و روحه حلوة(ن) فيها الدلالي
و وقضني من احلامي مشينا =خوينا قالها ونكَف بتالي
نكفنا وياه ناوين البلدنا=قطعنا سيوح ورمال و تلالي
وقت لغيوب نحنا عند مزيد=تخطينا المراكز بالتتالي
و شرفّنا على دار(ن) تهايت=و كن انوارها نجوم(ن) تلالي
سلام الله على الدار و اهلها=بفرض و سنة(ن) قبل النفالي
و رد الطير لمغرد سلامي=كذا لشجار ردت في خيالي
وهذي دارنا دايم عليه=حموها اجدادنا بضرب النصالي
حموها بضرب شلفات(ن) عتايا=تشيب لي م يقدر عالصمالي
فلا بو زيد بيواحي صبرهم=و لا عنتر يباري بالنزالي
وعند المقدره عفيو و عفوا=حباهم ربي بزين الخصالي
قطعنا الدار كنا ما مشينا=خلقها الله تجلى بالجلالي
وعند الساد فارقت الجماعه=على ان انتلاقا ف المفالي
ومر العام و سنين(ن) طويله=ولا حد(ن) نشد عن كيف حالي
وصار الوصل لي عبر الهواتف=بشوف العين ما حصل منالي
طرالي لي طرا الطاري بيوت(ن)=نستها الناس تسكنها الثعالي
منازل كنها ابد(ن) ما كانت=وطاح ايدارها لي كان عالي
تهايالي شرات اقفوف حمره=مثل حدبا الظهر بين العبالي
ايا ويلي على من هو سكنها=و فارقني وشوف البعد طالي
ويا شوقي على ايام(ن) تمضت=مثل ضميان في قيعان لالي
تحيّنا الوقت لجل انتسامر=بصوت(ن) خافت(ن) و السعد فالي
وهذا وصف له بين الغواني=تفند به ولا له من مثالي
حفوظ السر ممدوح المعاني=حشيم القول ما له من زلالي
اذا ير الغشا حرّك خفوقي=يطيب القلب يصفى م العلالي
يغار البدر لي شعّت خدوده=تغار الشمس لي منه بدالي
ومدري ش السبب قفّا وخلى=هموم القلب شروات الجبالي
اذا طيفه عبر عفت المنامي=وسجّّلت الشعر لجل التسالي
وهو وصف الشعر و الشعر وصفه=اذ ام اني كتبته بالجزالي
عسى ان الله يجزي كل حاسد=سعى بيني و بينه بالشكالي
بذل الوقت و الحاجه لغيره=وفرقا الود و زيادة هبالي
وخذ يالمستمع مني نصيحه=نصيحة ود بالقول امتثالي
فلا تغتر بالدنيا الرديه=اذا في يوم وافتك المنالي
ف كم من واحد(ن) لجي البغيه=وتالي كدّره شرب النهالي
وكم من واحد(ن) تزري بقدره=ف حزتها بيتعلى المعالي
يرد الطرش عنّك يوم يقبل=واذا قفّا ما يمتن ابفعالي
و كم من واحد اقواله كثيره=اذا حل القضى زادك عبالي
ولا تصغي لسعاي النمايم =اذا ياب الخبر شل المقالي
الا يا الله يا معطي عبيدك=ويا خلّاق خلقك بالكمالي
ويا راحم ويا رازق وهادي=ويا منزل من الغيم الهطالي
تعم الدار لي ربعي سكنوها=بغيث(ن) منك وسمي(ن) همالي
هميله ما يوقف طول ليله=يداور صوب مرتاع الغزالي
يتم اسبوع ع الدار و اهلها=وينشاف العشب بعد المحالي
على مد البصر ارض(ن) تروا=ويرتاح الغضي م الهم سالي
انا م انسيت وصله وان قطعني=وهو وصلي و ودي كد نسالي
وسجّلت الشعر بازها فنونه=كتبته فيه حرز(ن) م الزلالي
بداناته و حصه و الجواهر=منقى عن ل يظهر به هزالي
ما رجعني غزر بحر و غبيبه=ولو مويه مثل موي السلالي
حويته في ضلوعي و الحنايا=وعن كل شي عايب قد رسالي
اذا م انه ضوا شعّت بروقه=و تسمع صوت رعده لي ضوالي
و بيّن جيل للمعنى موايب=و خطيته و لو هو ما نزالي
يا كود ان الجماعه يسمعونه=سلوا عني و انا عنهم أسالي
وهذا حالي ابشرح المثايل=و لو جيله كدر لي ما صفالي
ختمت الجيل صلّوا ع الرسول=عدد ما مر نظم(ن) قد طرالي
.................................................. .................................................. ...
دبّرت و الروح ودتها=من ضلوع الصدر شدتها
ما ارحمت حالي ولاحنّت=بي عواق حيل زادتها
ع سويدا قلبي استولت=فوق عرش الروح قعدتها
روح تفدا عين موصوفه=ع المهالك زود حدتها
روح متعوبه م لمخالف=دايمن بالضيج نهدتها
والقصايد لى اعدبها=مدح فيها هيه ردتها
من جمال وطول تدلل=ما عرف م اللين شدتها
سببت لي جروح في روحي=منّها واليوم شهدتها
م انشدت عني ولا سئلت=كلمة العوفين بدتها
رحت امد الها انا ايدي=وارفضت من ليد مدتها
بالتكبر ما لها حايه=ذاك شي هوب عادتها
ويل ويلي ويلها ايامي=ما تحمل مول صدتها
اتمناالهاعمر طايل=واتمناالها سعادتها
من ضلوعي ضاع خفاقي=م رحمت والروح وئدتها
.................................................. .............................................
يامن كتبت الشعر تطلب مواسي=انا ملكت الشعر ساس(ن) على ساس
ما رجّعتني يبال صم(ن) خواسي=ما همني في القاف دس(ن) و دساس
من دون شح المح تظهر دواسي=م تصير شاك(ن) لي و بل حيل طساس
لو هو جناح الفرخ قوّس قواسي=يعلف من الجرناس لي صار مساس
من كاشح(ن) مشهور ضرب(ن) جواسي=ما هو شرات البوم ب الليل عساس
الله خلق ف الناس خلقه سواسي=ويميّز الانسان ب الفعل رساس
حد(ن) كلامه زيف فيه الغواسي=و حد(ن) ترا للقول فاهم و حساس
و حد(ن) يقول الشعر كسرة هواسي=فايع بفوعة ريح بيّن و هساس
لكن راعي الطيب دايم يواسي=لو صار مثل كليب من غدر جساس
دايم يذكرني قديم النواسي=لي هب لي شرتا من الشرق نساس
هذا مقالي ون بغيت امتواسي=كانك فهمت القول اشرح تخساس
.................................................. .................................................
لي ما درس في شرع لنجاب=و لا عرف معنى المواييب

و لا تبع ذربين لصحاب=و لا تعلا ف المراقيب

و لا عرف للعزوه اسباب=و لا حفظ عهد المكاتيب

هذاك لي بيسبب انشاب= بين الجماعه و المعازيب

لا تصدقه ابداً باليواب=لو بيحلف ابعالم الغيب

لا توصله يا تلع لرقاب= خلّه على نار التلهيب

قم يا رسولي فوق خبّاب =حيد(ن) منقى م المخابيب

غارب مديد و سير طراب=ساق(ن) دجيج و ضامر و حيب

زوره عريض(ن) عز لطلاب=و سرح جداهم كنك الذيب

و وصل لدار خيار لصحاب=حلال غلسات(ن) مصاعيب

و بدي سلامك ب التئداب=لا يرتفع صوتك تئديب

قلّه زمان اليوم جلاب=حل الثعل في مسكن الذيب

هذا مقالي دست لسباب=يا نجم عالي دون لمغيب

[سوبر سفاري]

يامن عنى سلامه=متصوب ٍ بالحيل
خط الشعر باقلامه=لجل الهموم اتزيل
يشكي ليومه عامه=يا الله تعدل الميل
ميل و ظلم التهامه=لي من فارق خليل
خليله في ملامه=من حساد ٍ هبيل
هبيل ٍ م الفهامه=ما يا عقله ثجيل
ثجيل حمل الهامه=دايم عليه ايعيل
عيلت راعي الزمامه=مصبح حاله عطيل
عطيل ٍ من صرامه=ضرب السيف الصجيل
صجيل خد و شامه=شعره حلو الشليل
شليلها ما سامه=غالي ماله مثيل
مثيل حص الثامه=يشفي القلب العليل
عليل شاف الهامه=نوح ٍو يشكي الويل
ويله ضرب الوسامه=عين ٍ وقد و ويل
يا الله يحصّل زامه=وصل ٍ ع شط النيل
نيله على لحشامه=يوم الحاسد عبيل
.................................................. ................................
طالبنك طلبه ابرفجه=لي ملكت الروح تعفيها

م الهوا حالي بها خفجه=اختلط ب المر حاليها

تاركني في وسط لجه=ب الثبر و الموي يطميها

السحر في عينك الدعجه=ما لقت من هو يباريها

المدح فيكم قصر هرجه=والمعاني لي تمليها

مر شوف الحال لو عرجه=عوّد ريولك خطاويها

خلها ع دروبنا درجه=تزدهر داري و تحييها

ثم صويبك ب العجل نجّه=رجع الروح المفاليها

ونتهج له ب الوصل نهجه=كود نتصافا ب تاليها

لا تخلي للعرب حجّه=و الحواسد لا تناغيها

حسد(ن)ونفوسهم طفجه=يعل تتزايد بلاويها

اعزي الظاهر وله فجّه=ف الشعر بيّن معانيها

خيل شعرك وعتلي سرجه=ثيب من عزوتك يبغيها

شوف روحي لي غدت صفجه=ما حصل لي هو يداويها

من ثلاث شهور منزعجه=تستحن الشوف غاليها

لي ربطها موثق(ن)ربجه=ون بغت له ما يناجيها

والغطو ب الشعر لي هجّه=وفسر المعنا لساليها

يا غياثي قلّت الارجه=بدع زايد و الظبي فيها

دون مسقط حالتي حرجه=وانتها قولي معاليها

دار فكري والهوا عجّه=هب ريح(ن)من شماليها
.................................................. .........................................
الا يا من شكى حر التجافي=كدر وقتك و لا لك من يصافي
يصافيك الزمن لي صرت داله=و اذا ذكرك يعصف بك عصافي
عصافات الهوا برمول شنّه=من مصيره يصير الموي عافي
و عاف النوم مع قوته و شربه=و بيّن شي ما غطاه خافي
خفى عنّه ثلاث سنين ياحد=وسبب له جروح ابها رعافي
رعف بالخط عالصفحه معاني=كتب شعره و لي ما شاف شافي
و شافه حاسد ٍ و تشمتوبه=قرايب له حرايب بالكلافي
كلايف من حمل حمل التوزّي=تجيل ٍ ما حمل حمل الخفافي
خفاف عقولهم بالروز خفّو=سعوبه ما درو انه سنافي
سنافي عيب به انه يبين=يلي في القلب من ضرب الرهافي
رهاف الشيل ما يحجب بياضه=و خلى الخل عن غيره عزافي
عزايف لي غدت م البيت طامح=و صار الحال منها في عيافي
عواف الي دريج الحال طايح=و لا حصّل لحاله من سعافي
سعافي لك تصبّر ثم تصبّر=عسى بالصبر يحصل لك تشافي
تشافينا و صلينا على احمد=عدد ما مر بالكعبه و طافي
.................................................. ........................................
تاريخهم خطط بالاسطور=حفظوا تراث الهم بالاسطار
من بعد ما ولم الهوا يدور=دار التفاكر قبل لشوار
دار التفاكر من ولا الشور=امر عليهن و التفق ثار
خطفن ولعبن في البحر دور=سون شرا عاصوف لغبار
حدن عرض فنه بدستور=وحدن مرام الدامنه كار
والي خطف و ارفا على الفور=شي م المحامل يرّش و طار
ساعه ويانا العلم بخبور=اطلس تصدر عنهن و سار
اثبت جداره عنده احضور=والنوخذا به مول ما حار
خط النهايه عبّر عبور=شيّن مبين ماله ستار
كاس السباق وسرنا سرور=كاس البطوله عندهم صار
هيض مقالي وهيض شعور=واجبرنيه اكتب بالاشعار
صلوا عدد ما كوكب ايدور=و اعداد ما ودقن من امطار
.................................................. ....................................
شل خطي يا الخوي عجل ٍ جداه=و وصل لداره تبدا بالسلام

دار لمزيني عسى يكفى عداه=هيّج المزمل تغاريد الحمام

حادين حده يشل النا حداه=في زميم ٍ من تحت ظل الرهام

لي جبر اذني تصاوخ له نداه=و القلب ضيّع مفاتيح الغرام

و القلم وقّف و بين بي رداه=و السان اخرس عن قول الملام

شاع صوتك ف الصدر بيّن صداه=حرّك الخفاق ثم رم العضام

الاصاله و الصفا في من شداه=ارقت عيني و لاطاب المنام

من بعد م القلب حصّل من هداه=ضاع عقلي ضاع فكري م الزمام

انبعث صوتي الى ابعد مداه=و أنقصر شعري تقطع بالصرام

واعدوني و اخلفوني بالغداه=وان كتمت السر بي زاد الهيام

والنهايه مثل ما في مبتداه=السلام ويا السلام ويا السلام
.................................................. .................................................
لك نضمت الشعر من ساسي=له عروقٍ في غزر ساسا
ما يحسه كل جساسي=غير لي للفن حساسا
خالط ال قوتي ولنفاسي=ما نضر له كل دساسا
مجتمع في القلب متواسي=في حنايا الروح رساسا
ونت دومك لجليه جاسي=صرت لجلك دوم عسّاسا
تشترط في وقت لجلاسي=بلمصافح ماشي امساسا
يابدر في ليل لغلاسي=ليش تتعمد لي اخساسا
من تسمعتو لبلاسي=ضاع فكري ضاع لحساسا
باغدي عن يمعة الناسي=غايب بلحيل طساسا
صارت الدنيا لي احباسي=قيدٍ و حارس و جساسا
.................................................. .......................................
اذا هبّت نسايم م الجنوب وداعبت لغصان=تذكر من خفوقه ذاب في حب العيون السود

ايا ذا الخوي اقرا و شل بأعذب الالحان=و خل الصوت يطربنا يذكرنا نعيم العود

جفاني من زمان و غاب خلى خله الولهان=على نار التوجد ما ملك دمعه على لخدود

انا وجدي عليهم مثل ما وجد الذي عطشان=عفت لاثار من درب ٍ يورد به الى لعدود

انا وجدي عليهم مثل منهو بايت ٍ سهران=جفاه النوم ف مبيته ولا بيّن له المقصود

تقصدني بهجر وصد و وصل ٍ اندرا هجران=و ياحدني و فارقني و خالفني على لعهود

عرفت انه بعهده لي غدا لي جافين خوّان=و انا لي ملتزم عهده و عندي فوق هذا شهود

لساني و القلب سمعي عظامي مع نظر لعيان=و حتى الدم ف عروقي شهد لك انك المفنود

رضيت بقول حساد ٍ مزوّر قوله ابهتان=وشبّت نار في صدري لضاها ما عليه الزود

تواقد كنها نار السنافي يحتري ضيفان=صباح ٍ مع نهار و ليل ولاله عنّها منشود
.................................................. ................................................
غابت نجوم القيض والكل شفقان=والخاطر الي ضاق ماشي يسليه

عدي به المقناص من سالف ازمان=مرت سنين امحال عفّت اثاريه

من يوم صار الوحش ممنوع ي فلان=مالي طرب ف الجير بايع و شاريه

يا زين فرخ(ن)ياك من صيد لفغان=والا خلاوي بكر صيده م يحييه

عليه شوف الطلع صبح و مسيان=لي شاف زول الربد كفّه يحنيه

ياخذ على مجراه صدق(ن) و نيشان=والشارد الي طار لا ما يخليه

او ليت كان الطير من وارد ايران=شلايله ع الكف توفي و تضفيه

دق الظهر قد بان شروات هتان =يسقي الديار الي تقفت معاليه

يبر العضام ان طالعك قلت غضبان=ف السبق ما يحتاي بانت مواريه
.................................................. ..............................................
لي بغيت الود طالب له=المياني حط للقبله

جر عالى الدر لو غمره=يرتهي سيرك على حله

لي وصلت البندر العالي=ارف و السايور ب يشله

ون وزاك الريح لمكلّف=جيب نشّر و الهوا خلّه

قوم وضّع و ادبر الحاله=دامنك ب اليان نتّخله

لازم ان الريح ب يخوهر=ير غشاميك و قصرله

لا تعيّل هيرك اتهرب=شوف تبّابن مبرن له

كانه اكزم زود محّاره=واقف(ن)ب عروق في حله

اطرح ولا تنشي اخرابك=ب التبابه بان محصن له

من عريش القوع لا تقرب=به صلاصل خلها همله

فشت و المحّار به خارب=ما خشر عامه وحول(ن)له

عندنا قشبار متسند=ف الدحل مويه موز(ن)له

لي دبرنا قام يتراما=ون غمر نا وقّف أمحله

يا حلات التل و ربوشه=ميل و البرميل به خلّه

له عطف و كراو م التالي=ما عبر لو با تطبب له

لاكن المجبور يتوزا=لو يصير الكل ناعبله

لي بلدت المالح و قسته=عشر(ن) و عشر(ن)مهي سهله

ما تخادا من قصر زيبن=لي قصر اغوص و أنجس له

قبل كل العالم امجفل=والحصابي ما بها بدله

لولو(ن)ما شلّه أمخمل=يفرحك لو تقفي أب زعله

يرجح اب يكات ميزانه=بين دانات(ن)تبادلّه

ما أعبط يومن و ليله=اسبر المايات للشلّه

شلّتي ب عتادي الماسي=والحلو ف اليل جازلّه

نيمعه في ملوه المالي=ب المقاصر ما نصرّفله

ساعت(ن)ونلوّث الضاغي=كل من قارب محلله

حاشي(ن)م الميل للفنّه=ماعيا كنك منقنله

حد شقّيقه وحد يملح=لي يفرسن يحسب الغله

دايم المايات ب موالم=احسب الغنّه ويا العدله

وأنغدت ع العاف برّوده=العيل لي ينقطع حبله

وأكتب الكم قول ريحاني=من رهام(ن)ما مزر مله

وحترك لزيب طلب داره=مرزبان(ن)ماحصل مثله

الظبي راتع ف مقفاره=جش رملي يشفي العله

والختم صلّو ا على احمد=عد ما قد جابلوا جبله
.................................................. ....................................
خفينا م الهوا ما قد خفينا=زمان(ن)مر عنّه ما سلينا

وصار النا العشق ف القلب خاتم=وشلينا به الركب و حدينا

تبلا في محبتهم فوادي=دريت الناس فينا لا تشينا

وواعدني ولا بين مراده=ومر العام وتلته السنينا

وياحدني على وعده بسبت=خلايف وثّقوا في الطعينا

شنو فيّه ونا صاين عهودي=وقالوا ب الهوا يلعب علينا

وانا والله ما واصلت قبله=تمكن حبه اب قلبي مكينا

ولاكن الهوا خاين مداور=مغثبر شرعنا يوم(ن)ملينا

نشف صافيه من كل الموارد=وتم الماي مخلوط(ن)ب طينا

فلا للشرب يصلح للمورّد=ولا بعده يفيد المشفقينا

ولاكن القدر لازم نشوفه=حلاته و المراره مستوينا

اذا منك وطيت الود ناعل=فنحنا في مروته قد حفينا

فلي من قلت لي قول(ن)موالم=تهيّج شي ف الخاطر دفينا

ويوم ابدعت في قولك وشعرك=وشلّيته ب نهج(ن)م الونينا

وخليت الذي كاتم مقاله=يبين بين صف الاعيينا

شرات امجدم(ن)للضيف حاشي=وامه لي تجر اله الحنينا

وهيجت المخاطر م الخواطر=وفاح السيع ب ارياحه خنينا

فلاعاد القلم يكتب مقالي=افره من يساري لليمينا

ولا للغيم تكتب له لواجح=ولوا تمحل اراضيهم سنينا

ولا تلجح خلوي و كل حايل=اذا منهم صفوا لا ما عفينا

ولا غنت على غصنن بلابل=مدام انا كشفنا ما حوينا

يلومنيه دليه ان نام خالي=يضن ان الهوا لعبت فطينا

ونحنا ف الشدايد له نحايد=اذا نمنا ف هو م الساهرينا

اذا حاتا الدواني و الرذايل=وضاعت دنيته ساعه و حينا

ونحنا لي نصيناها الطوايل=وشلينا حمل مثقل علينا

وزينا من وزانا ب التوزي=ولافيها الخواطر من غبينا

غدى حكم الجفا النا موازم=ولو لا الشعر ما كنا لعينا

فلا مدحه وذمه و التناسي=ولا فضل(ن)تفضل به علينا

ولي من سلّم اب يمناه و أسلم=وب العسما يجر السيف حينا

الا يا وجد بو زيد الهلالي=بغدر ذياب من ضربت مكينا

ووين الي يقول الشعر معنا=ولا يفرق ضعيفه م السمينا

اذا ما خالط الشرق اب غروبه=ولوا هبّت شماله ما رفينا

وبانت شمس في نص اليالي=ولا ردّن منايح للعطينا

وذا هب الهوا ما عف ذاري=ولا اسقا مطر للعاطشينا

ولا سرّوا رجال الى المغانم=ولا عزّت ديار الغانمينا

وصار الشعر لي معنا و فكره=مداده من بحور الطاميينا

نخطه او نحطه في غوالج=عقول الناس وصدور الكنينا

معاني ما فهمها كل فاهم=حلفت الله تتعب لي رزينا

اذا مانك فطنت المحتواها=فلا تكشف خوي(ن)مستكينا

ولا تكسر قيود ال سر حاله=مدام السر غابي ما يبينا

ف نور الشمس غبّا ما وراها=ولو بانت دروب السالكينا

اجاوبك النصيه ما تئخر=ولو ضرف الزمن جاير علينا

ونفزع للذي يطلب ل فزعه=بحال ومال مانرضا نهينا

ويبشر ب الهوا سعد(ن)موالم=ونرصغ له وحوش(ن)شاطنينا

ولو هذا الزمن ب العام لوّل =نسوق ارجال سوق المغرمينا

نوّردهم مثل ورد الضوامي=على لمياه يوم الورد شينا

وابشر ثم ابشر ثم ابشر=اذا م انك طلبت العاديينا

ودرب(ن)ما مشيت انته دليله=على قولت وصوف الاولينا

ترا الكتمان في فعلك يفيدك=اذا م انا عزمنا رايدينا

ف دار(ن)من شماليها المسايل=جبال(ن)شرقها تغدي طحينا

كذاك الرمل لي غربي المنازل=ندوسه لين حالك تستكينا

ونسري ليل قطّاعت خرايم=نعسه ثم نرد الخاسيينا

ولاكن الهوا والوقت شايم=وشل الصوت ما ينفع حزينا

تخايل غيم يمطر كل هالك=ويرويكم ولو جفّت يدينا

فلا ما عاد لك يرجع ب ذكره=ولو نسعا ب دربك ما سعينا

وخل احلام صبحك و اليالي=ودور ما كتب فوق الجبينا

ختمت القول صلوا ع محمد=عدد ما داور الغربي علينا
.................................................. ..........................................
يلاعبها البحر من روس موجه=و يرفعها و يخفضها ف حينا

فلاني بالمدح اكتب مقالي=ترا كل الربع لك شاهدينا

و هيّج مزملي قول الحواسد=و بين شي عنا مخفينا

و لا احتاج قاموس المقالي=معرب دون قول النافينا

يخاوي ارجال لي يبغي الدلايل=على منحات درب الاولينا

و اذا ما عاد لي ف الشعر معنى=فلا خطّيت قولي باليمينا

يمين الله يا الوسمي نبده=لكل الناس لي منا بغينا

و لي منا تكبرنا بكبرنا=و لكن التواضع شي فينا

و انا عارف مكاني في مكاني=و لا يعرف طريقي جاهلينا

و لي من غصت في لج القوافي=ادور من حصابيه الثمينا

و اطوي في البحر موي الطوامي=و اذا هاج البحر قلت اش علينا

و لا بندر انا وسط المرافي=اذا صلّب هو الغربي زفينا

و دست الوعر في ليل الحوالك=رمال أغنيم و رمول البطينا

من اليدّه الى غربي القلايم=و لا حاتيت فيها من محينا

اورّد ماي عذب ٍ و الضوامي=بطو دون المياهه موردينا

و قالوا ما عرفنا درب حاله=و نحنا للشعر لي بادعينا

و هل أمن الشعر وصف الغلايط=و لا حشّم قدر للعازينا

اقول الريح ما هزّت رواسي=جبال ٍ شامخه للشاهدينا

و لكن لي بغيت الصدق جرب=تعرف الطيب من دون العفينا

بعين و هاء من واو ٍ وكاف ٍ=لكم مني على طول السنينا

كشفنا ستر من خافي الخوافي=كثير(ن) لي خفيناه و غبينا

[الصياد]

ولو اخوي سوبر موضوعك طويل


الاكيد انك تحب تسمح للشاعر هذا

لاكن اهو اخو فهد السعيد و لا لا

[سوبر سفاري]

سر يا رسولي بالسلام الي مبين بالعبر دوس الثرا و سلاحك النباطه
تكفيك عن شلّت سلاحك مزهبه موت العدا لي من بدعت امن الشعر تنبيطه

لي ما عبر وسط البحر و لا عرف جني الدرر و امن الغزر ما حصّل السفاطه
دوّر خبر ظن القلم لي في يميني قد نشف هو ما عرف ان المداد امحيطه

زايد على كل المداد بلا عداد و لا كبر الشعر نحنا نبدعه اسهل من ال ...
قلنا قبل يا كم رفعنا راس ناس(ن) للعلا و يا كم خرطنا لي نوا تهبيطه

هذا مقالي ما حوا لاغط و لا شكل خطر على الذي هو قد نوا لغلاطه
لي مزدهر در(ن) و دانات و حصابي با المثل صعب(ن) اذا منا نبا تبسيطه

يا ويل من هو شل شعره بالهوا ثم اعترض له معتزر سايق عليه امن الهبل و اعباطه
ايضن شعره في الهوا قاس البحر و ارها على غزره وحوّط ساس له تحويطه

و لا ترا شرق الشعر و يا الغروب تمازحن ذبيت عالي دون ما لهباطه
اقطع صحارى من مسانيد و لهد صيعي و زاغور و حفاف ابسط على روس العلى تبسيطه

و اكتب لكم لمثال مني واضحه مثل الشمس يوم النزو هي ظاهره و اذكر الي سايق اليحلاطه
من لامني في ود خل و لامني او لام قيس ابحب ليلا ولامها قله لسانك وثق اب تربيطه

وان هب نسناس امن الجنوب و داعبه غصنه ليانن مترف(ن) غض الصبا في وسط روح الروح له مرباطه
لابد نبدعله شعر روح(ن) و حال و مال ماذخر ذخر يمعه غدا لجله ترا تقليطه

ظبي(ن) رعا منبوت قفر(ن) ف الفلا يرقا العلا اذا صدف له مختلا ويصير شوفه صعب(ن) المن حاطه
حشيم طبعه بن عرب صافي نسب رمشه يشل غشايته والويه له مثل القمر بين النجوم أتحيطه
.................................................. .................................................
صفقت الراح فوق الراح=وهاض ابخاطري الفضاح
اذ نام الغضي مرتاح=سهرت اليل الى لصباح

على ناري انا اتقلب

وبعده يوم كنه عام=واشوفه دوم في لحلام
نصخ روحي وهو لنسام=اذا شفته ضوى للهام

وشعري لجله اترتب

كتبت الشعر لعيونه=بدعته حلو بالحونه
جواهر ماس مكنونه=وانا بالصدق مجنونه

لشوفه دايم اتسبب

شكيت البعد يا مضنون=وانا مثلك شكيت الهون
وعند الله طلبت العون=ارا خده بسحر عيون

بغيب الهم ما يقرب

نسل لشراف عم وخال=مايتّسمع ل قيل و قال
ربط قلبي بليا حبال=وسهم الرمش له قتال

وصاب القلب من صوب

تدلل يا حلو لنفاس=عيونك شهلةٍ نعاس
وخصرٍ لك شبر بقياس=تعوضني ف كل الناس

ولا ارضا غيركم مطلب
.................................................. .............................................
كل ما جيت ابا أنسا و تناسا هواه=رجعتني لدربه ساريات النجوم

ضاق صدري بهم(ن) الشقي ما حواه=ان كتمت المشاعر احتوتني هموم

اه يا طول صبري م الفراق و قساه=مبتعد عن عيوني و اذكره كل يوم

فرحتي لي ذكرته ريم ذيك الفلاه=و ان عبرنا بداره ذكّرتني رسوم

رسم دار(ن) تهدم ما بقا الا الرداه=الجدار الينوبي و اسئله ش العلوم

لو هو ينطق تكلم و العلم ما خفاه=عن غزال(ن) رجعته صارت امن الحلوم

هذي لمسة يدينه ريّح ابمتكاه=من قسات الحجاره صرت مس الغيوم

أرحلو به لدار(ن) تفرح بملتقاه=افرحي دار "......" بالهنا لج يدوم
.................................................. ......................................
البحر مختل ميزانه=و ان عفد لك ف النحو كربي

مايته بالسون فنانه=نقوت(ن) جيدومها عربي

م الصفو لبطوح رويانه=ما الملاحه يروي الشربي

يوم غنّت ضاع برهانه=قال تابع للعنا دربي

واعبر بالي لها كانه=شل لي وانا لها طربي

ان مدحت السير سنّانه=و الزبادر لوحها خربي

ذيلها معواي سكّانه=ميل و البرميل له ذربي

بوميه من تلة حصانه=فارس(ن) شلّه الى الحربي

محمل(ن) ف الدوق طبعانه=ش الفكر لي صلّب الغربي

غيمت(ن) في وسط رمّانه=و اعصر المشموم للشربي
.................................................. ..........................................
شاقني مدلول برهانه=لي لفاني قمت له طربي

طربت الى مرتفع شانه=يفتخر و يرد لك ثربي

يكّه و جيون و فنانه=هوب سحتيت(ن) لقط دربي

في يميني صار عوّانه=القلم بيخط لك اربي

بسئلك يا حاشم السانه=عن عريشن مسكنه عربي

لا حضر لا بدو سكّانه=لا ربد جيدومها خربي

ان عرفته ذاك ميشانه=لي به الكردوس متربي

ون زهلته منك سمحانه=دام دربك ف الشعر ذربي
.................................................. .....................................
قد خط حبر الخير من عليائه درر=أعيت حساب العد يوم النشر محصيها

جواهر لا هان من بالقول مبدعها=استسبغت بالجزل ثوب الشعر مضفيها

كأن أرض الخصب بعد الوسم زاهرتاً=قد دار كاس الخير نهل العز مسقيها

كم زادني ما خط في ديواننا تيهاً=اضفت لنا فخر(ن) لكاتبها و مقريها

بانت كنور الفجر بعد الليل منبلج(ن)=و أستبشرت بالصبح و الإشراق يحديها

قد خط رسم الحرف في الأوراق منتشي(ن)=و أستنفرت للنثر بعد الزهد غاليها

ما الشعر للشعّار من اشعارهم ذكر(ن)=ان كان فكر العرب للابيات منسيها

المنتدى يعلوا و بالشعّار مزدهرا=دامت بيوت العز بالاشراف تبنيها
.................................................. .................................................. .........
بحور الشعر كم فيها مرافي= و كم نغرف من ابحوره غرافي

و كم غصنا غزر يم و غبيبه=و خلينا الدواني للهرافي

فلا فادت نصيحه للدويني=تبع درب الوطايا بحترافي

و لو هو راح من داره لدارن=بها الريحان ف ظليل(ن) و رافي

و نبتٍ حنظله في وسط روضه=عليها الوسم سقاي(ن) ذرافي

بها ذوق المراره م يتغير=و لا تسلم من الذاري جرافي

فلا تغتر بالوقت و صروفه=اذا ما سايرك وقتك و رافي

بيقصر بك عن الماي المصفا=بعد ما كان شربك بالسرافي

و عض الفاخ ع البسّه و شيّر=و حالك صار لا بخاطف و رافي

و دور لك بنيدر فيه ذاري=و لا تتبع ذرا الناس الشرافي

.................................................. ...................................
طاف وقت(ن)فيه ندراهم=ارتفعنا من معاليهم

من تبيّن درب مجراهم=با الوغاده شاع طاريهم

الحسد يا ناس اعماهم=عصبتن والله محصيهم

لا يغرك وقت يبراهم=الله لا يغفر معاصيهم

يعل سحاب(ن)تعداهم=يا لخوي ما يعود يسقيهم

لين تمحل دار موطاهم=والعطش ييبس اراضيهم

والسبب مكر و سواياهم=والنفوس الدانيه فيهم

يعل رب العرش يبلاهم =لين تتخالف خطاويهم

تزدهر داري بلياهم=الدنا سيّد معانيهم

والرجال الي تحراهم=نسوتن بالثام يضفيهم

لي رمست و سرت تنغاهم=يرّو البرقع ع ثاميهم

والحذر لا تورده ماهم=النذاله في تواليهم

والبخل لي يقصر ايداهم=في الوطايا دوم عاليهم

ف المرايل ما حسبناهم=ضيّعو طالب وعازيهم
.................................................. ......................................
دوقه وهبّت ريح لنسام=يوم المحامل سارن اولوم

كل من طلب في دوره الزام=كنهن طيور و كسرن الحوم

بانت محامل كنّها اعلام=رفّت ف عالي شامخ حزوم

كل من يبا ف السير جدّام=حد(ن) يروم وحد م يروم

ساعه و بانت ذيج لدوام=لو ما المصور شغّل الزوم

قالوا ظهر ف اليوش عزام=من يلحقه هذا ف لحلوم

سيره سنيد و لا يبا الزام=و من العوالي مويه اردوم

و ادعي عسى انه طول لعوام=الفوز والعزه له ادوم
.................................................. ............................................
لي كتبت الجيل ما ظنه خسر=صرح له مبناي بجنود و حرس

سهل ف المعنى و لا يبغي فسر=يرعف مسلسل على بيض الطرس

غير للمقرود في شرحه عسر=في سلوم الناس ما ظني درس

من ردات الوقت في حومه كسر=من سمع بغراب كد صاد و فرس

من يحيد البوم من ربدا نسر=حنضلانٍ ف الخصب ما ينغرس

ش السبب هو ع الطوايل قد جسر=يوم حزّتها ترا ثوبه خرس

ما ضفى ثوبه عن ستوره حسر=منكشف امره عسى يعله ضرس

يا عسى حاله يشد بلا يسر=ذا جوابي للذي دق الجرس
.................................................. ............................................


من غزير اليم لي غايص فجوجه =اظهر اليارح بشوري وقت حاجه

شابكنه حابكن صفّت نسوجه=ما تغلص او تسبب لي حراجه

قد كتبته بالذي يانا بهوجه=ثاير و طاير و لا بين عجاجه

قال لي خيل الشعر شدّت سروجه=قلت له اركب بلا سرج انتواجه

لا يغرك م البحر لي طاح موجه=ون خفت يطويك في غبّة لجاجه

و إن بدا منك و لو مليون عوجه=شي طبيعي ذاك دربك و انتهاجه

لو تجند ف الشعر بوش و علوجه=ما بتصعد للفضا لنك دجاجه

و ان تطال امن الوطا تحسب بروجه=السبب ضافيك شعره و بمزاجه

دام لك رجل(ن) على الهافي دروجه=الدوا عندي و راسك له علاجه

المرايل خلها و قبض كجوجه=و خطوة الذربين خالطها بغناجه
.................................................. ...........................................

يامن رفعت الرايه=بيضا على لحزوم

ضاعت عندي الدرايه=من يوم شفت القوم

قضوا على ملفايه =لا عرف و لا سلوم

بارج لض ف سمايه=و تهردمت لردوم

يوم ادور حلايه=لزمن عليه يزوم

و آيربه بغنايه=ما أذخر المكتوم

من غبة(ن) طمايه=بادت عليها عزوم

من دونها لوصايه=طير الهوا م يحوم

عشر(ن) و عشر كفايه=عقب الشهر ملزوم

و إللي جفاك برايه =يازم حلاه العوم

ذكرتني بمنايه=و قت(ن) جفا و يشوم

خلن غدا مهوايه=ف القلب حط رسوم

يوم(ن) ير الغشايه =دار الهوا ب ولوم

ادخلني ف العنايه=و قالو غدا مرحوم
.................................................. ........................................
ياحمام(ن )ناح مع نور الصباح= هيج المزمل غناه بكل دوح

نسنس البري و شذا الريحان فاح=حد شي(ن) ف المعنّا به يبوح

باح سده و ان صبربه ما يواح=ير مسحوبه على مطروق نوح

اه يا وقت(ن) قضى و اليوم راح=ما بقالي غير طعنه و الجروح

ما يرجع لي مضى كثر الصياح=و ان كتمت الهم زلزل كل صوح

هم في قلبي و لا ظني يزاح=لو اشل بصوت في عالي سفوح

من لذي عقّب على قلبي وشاح=يوم قفوبه و كفه لي تلوح

فرّقونا يعل ما عقبه رباح=دارهم من عقب ما روّح تنوح

هيج الخاطر حمام(ن) يوم ناح=يعل ما غنى الحمام بضل دوح

[سوبر سفاري]

اهداء مني لكم يخواني البوارديه وارجو المعذر اذا كان اخطائها كثيره او تكررها{ } منتظر ردودكميا بن خلف من ذاته=ير القلب ونّات
الليل عفت أوقاته=و امن الوله ما بات
أكتب على منحاته=وا شل به بأصوات
عزاه وآ عزاته=بايت مع الضيجات
من خلّي و خلاته=ضايع منّي الثبات
عفت الهوى و علاته=ما ف البعد راحات
يا من فارق غناته=ما من بعده غناة
امقرنّه حياته=و الخشم له سلات
ريجه حلو مزاته=مثل السكر نبات
و الطيب من هفّاته=يشفي من العلات
يا كافيٍ عثراته=يا غافر الزلات
ايخصني بنظراته=مره قبل الممات
.................................................. .................................
دار وقت السعد ب ولومه=والفرح طيّر بناديره
يوم غازي بانت علومه=فالمحامل ما حلا سيره
نوخذانا بانت عزومه=والسبق يبغي تباصيره
من تصدر قلت ونعومه=يعل ربي يزيد في خيره
طير شامي لي كسر حومه=ترتفع عنهم مقاديره
لي يزامط قال منرومه=من خطف خلان في حيره
ترتفع له ليد ملزومه=يوم دخّل فرحت الديره
ما حلاته لي رفع دومه=يوم روّح ونقصر غيره
وسلامتكم
.................................................. ......................................
يا من بدعت ابحور=في وصف سيد الحور

اكتب و هات أبياتك=غيرك غدى معثور

في وصف خلن خالي =ما ف الهوا له دور

يا غير لعبه فينا =غيّن بليا يور

ما ف التوصف وصفه=كنه خلج من نور

من تحت ليلن ضافي=بين بدر لبدور

بيّن و انا مخفنه=دون العرب ف سطور

كانه شناك الحاسد=قطّع لسان الثور

و الى دبى ع ريوله=اوصل لوالي الشور
.................................................. ...........................................

يامرامي يا هوا البال و غرامي=يا وجود القلب مع سبة هيامه
حن لك قلبي مثل حن الضوامي=ورّّدوهن ليل معتم في ظلامه
صغت لك صوره مع رويا حلامي=مثل بدر لغشوته ير الغمامه
يا وجودي وجد من عزم المشامي=عسم وقته و انجبر يهدم خيامه
حبل دلوه و صرموه اللي حيامي=م وردوه و لا ورد ورد السلامه
ليت يا خلي تتبعته كلامي=م ستمعت الشين فيّه و النمامه
غير بعد الفوت ما ينفع ملامي=ما نيّر الصوت نحفضها الكرامه
لك سلامي و التحيه و احترامي=لك عيوني و القلب تملك زمامه
.................................................. .................................................

يا مصوَب و احفظ العبره=لا تهرقها على شانه

كم لعينا من هوا خفره=شيخة الزينات بطرانه

غير مالت ميلتن قشره=و انثنت بانه و ريانه

و انكسر عود الهوا مره=مال اصله و دنت اغصانه

يا كفانا الله من شره=بايع و شاري لدكانه

عود موز و ثمرته مره=وا شقا الحارس ف ميدانه

مرزبان سعود ما سرّه=من ثلاثينن بلا خانه

شوب تين و ذيب ما ضرّه=لي فطر ع السح ميشانه

و الحذر لي مال من كسره=ينفضح من حيّة السانه

شان ويهه يعله العثره=ما عرف دينه و ديانه
.................................................. ............................................

فاتني يا فاتني وانته فتون=قربكم قلبي تركّد واستكان

اوصل ف بعدك الى حد الجنون =في قربكم اوصل البر الامان

انهبني نعس(ن) دعج العيون=قبل ما انهب بمنطوق السان

كنه الدر ايتناثر من مزون=خالقك سواك من حور الجنان

يا وجود القلب عنوان الشجون=يا مناة النفس يا سيد الحسان

تعجز الابيات مثلك يوصفون =لو كتبت الشعر في اعلى مكان

كيف بوصف صوت في حكيه سكون=كيف بوصف وقت ما هو م الزمان

فاتني يا فاتني خلك حنون=يعل ما بعدك حبيب ولا حنان
.................................................. .................................................. ....
قلبن قارب نفاده=ير الونين ارضاف
يوم الفرقا وساده=الهم صار الحاف
بايت اير انشاده=سيعن بها لحساف
ما تنقصا بعداده=مضفي عليها القاف
احيد له بحياده=وصلن بليا اسراف
وصلن على ميعاده=على سنع لشراف
واليوم لي بيحاده=ما كن بي قد طاف
روّح وهمي زاده=يبغي الغرب صياف
مارام حر بلاده=ضاري لبس لرهاف
ونا تبعت الهاده=وايلس على لحفاف
قلبي خفق ب يهاده=مثل العلم رفاف