الصيادة العراقيين اسعار الرانج روفر

[dhyaa]

اخواني البواردية السلام عليكم ارجوا من الاخوة الصيادين العراقيين معرفة اسعار الرانج روفر حسب النظافة والموديل وهل هي مفيدة ام لا وبالنسبة لعطلاتها هل هي كثيرة ام لا وهل هي اقتصادية في الوقود ام لا انا بالنسبة لي سمعت انه هية قوية جدا واريد اعرف الباقي وياريت يفيدوني اللي عدهم منهة ولكم كل الود والاحترام

[الكوبرا السوري]

انا انصحك بلاند روفر ديفندر السيارة الاولى في العالم لرحل السفاري ومعتمدة لهيئات ومنظمات رعاية البيئة
كانت عندي وممتازة للبر بس مصروف بنزين لاتسأل

[ابو تريكات]

السلام عليكم
اخي العزيز الرانج روفر من السيارات التي لاغبار عليها في رحلات السفاري وطلعات الصيد وتكيفها على المناطق الوعرة ولكن من ناحية صرف البنزين فهي كثيرة الصرف حالها حال اقرانها من سيارات الدفع الرباعي التي تصرف البنزين بشكل كبير حيث هنالك علاقة طردية بين حجم السيارة وصرفها للبنزين ولكنك اذا اخذت سيارة جديدة او مستعملة ولكنها نظيفة فيكون صرفها اقل من السيارة المتعوبة، واما عن عطلاتها فهي سيارة متينة قليلة الاعطال ولكن قطع غيارها غالية نسبيا في العراق، ولكنها في النهاية سيارة تستحق الاحترام.

[المثنى]

السلام عليكم ، اخي اذا كنت لا تمانع بأن تصاب بمرض الضغط و السكر و الكولسترول و الشيخوخة المبكرة فأشتري رانج روفر ، ( خاصه في العراق ) و قد اعذر من انذر !!!!

[ابو تريكات]

الاخ ((المثنى)) ان من يشتري سيارة تعبانه اكيد راح يتعب والسيارة تحتاج الى ادامة دورية وصيانة فورية لذلك انا شخصيا لا اعتقد بان هنالك سيارة تتعب بدون سبب،
وعذرا من الاخ ضياء فلقد نسيت ان اذكر لك بان اسعار الرانج روفر متفاوته ويعتمد الرقم على نظافة السيارة وهذا الشي معروف((كلشي بسعره)).
ولكم مني خالص التقدير

[سيف البوادي]

اخي الغالي بالنسبة لسيارة الرانج فهيه لها تاريخ معروف بس الشي المزعج بالموظوع مو السيارة وانما ادواتها الاحطياطية بس انصحك بالي تجي بعدهة وبنفس القوة هي تيوتا لاندكروزر موديل 1988سيارة بمعنا الكلمة وادواتهه متوفرة والكل يعرف صيانتها

[mo_mo2006]

اخي الكريم السلام عليكم
بالنسبة للسيارة اني عندي رانج روفر بالبداية تعبتني بالصرف وعطل النوزلات (البخاخات) والكهربائيات وبعدين حورتلها كابريترات ورتاحيت من العطلات
وصرف صار مثل صرف السته سلندر واسعارها من 35الف دولار وانته صاعد
وبالنسبة لسيارات النيسان الصرف الي بيها ماشاء الله وسعر موادها اغله من الرانج وتقبل مروري

[صياد بغداد]

اخويه العزيز:
اني فيتر سيارات ومهندس صيانه واشتري وابيع بالسيارات
نصيحه لوجه الله تعالى لا تتقرب على الرانج روفر
اي نعم سياره راقيه وقويه لكنها كثيره العطلات وصيانتها مكلفه وتحتاج الى خبير بالتصليح
انصحك بالباجيرو اواللاندكروز
كل سيارات الدفع الرباعي تعطيك نفس القوه مادام بيهه دفع رباعي
تحياتي

[القناص العراقي]

(السلام عليكم ورحمت اللة وبركاتة اخوي الاغلي اني همة فيتر وفتهم بل سيارات انتة حسب رغبتك اذى تريد تجني فنا رائيي معى رائي الخ المحترم صياد بغداد انتة تريد تلحك مصطفى
واذى تبيع وتشتري فهاذى الشيء لهو كلام اخر وذى تريد تخصصها لصيد
فاشتري جيب شيروكي من علاء تحياتي وتقديري اخوك)( عبد الجبار)

[dhyaa]

اخواني الاعزاء اشكر ردودكم وتفاعلكم واني بالنسبة لي جاي الاحظ اغلب الصيادة العراقيين عدهم هاي السيارة واني اريد سيارة كد ومد يعني وكت الصيد بيهة وكت الشغل بيهة مشكوووووووووووووورررررررررررررررررين